Sikirtariya giştî ya ENKSê û bi helkefta hatina “Cejna Newrozê “, cejina netewî ya gelê kurd, peyama Newrozê belav kir, û di nameya wê de hat: “hersal gelê kurd li bîst û yekê adarê pêşwaziyê li cejna xwe ya netewî, Cejna Newroza pîroz dike, ku bav û bapîrên me bi hezarên salan vê cejnê vejîn dikin, wek nîşana rizgarî û azadiyê, roja serkeftina hêza xêrxwaz û ronahiyê li ser hêza zilm û reşî û şerxwaziyê, her wek di efsaneya wê ya dîrokî de hatiye, îro yekemîn roja serê sala kurdî ye, têde xweza bi ciwaniyek qeşeng li tevaya surişta kurdistanê diyar dibe, miletê kurd bi tevayî bi hemû çîn û alî û ol û boçûnên xwe yên ciyawaz ahengan pê lidar dixin, herçend çend baredoxên dijwar û sext bin, ku ev roj hatiye vajandin heta li jêr sîbera hikûmetên diktator û şofînizim yên Newroz qedexe dikirin û bi tawanên sext siza dikirin her çiqas ahing piçûk ba jî, û êrîşên hovane yên bêhempa ji aliyê Rijêmê û desteka wê li ser ahingên şeva Newrozê bûn ku têde sê ciwanên nûhatî şehîd ketin li sala 2008 (Mihemed û Mihemed û Mihemed) ya bigehin şehîd Silêman Adî şehîdê Newroza 1986, herwiha li şeva Newrozê li adara 2015 an ahinga şeva Newroza Hesekê rastî êrîşeka terorîst hat ji aliyê tawankarên dewleta tawan û şerxwaziyê (DAIŞ) û têde bi dehan şehîd û bi sedan birîndar ketin ji zarok û jin û kalemêran.
Herwiha di peyamê de hat ku “Newroza Îsal derbas dibe hevdem ku şeş sal di ser şoreşa gelê Sûriyê ya aştiyane re derbas dibin, û şerên dijwar ku çirîskên agirê wê dibin gef li ser hemû dewletên navçeyê, û çareserkirina leşkerî dibe gefek rasteqîn li ser ewlehî û aştiya navdewletî, lewra piraniya dewletên pêwendîdar bi vê qeyranê bêhtir palê bidin li ser çareseriya siyasî bi rêka dîtina çareseriyek aştiyane ya dadperwer li jêr çavdêriyek navdewletî li Cinêvê û di bêhtir ji kongir û civîneka navdrwletî de, û her wek hûn dizanin ku ENKSê berî her kesî daxwaza bijardeya aştiyane ya dadperwer bo hemû pêkhateyên gelên Sûriyê bê cudahî kiriye”.
Û her weha di eyamê hatiye: ” ENKSê ligel gelê xwe yê kurd ahingê bi cejna xwe ya netewî dike û hevdem sozê dide gel û cemawerê xwe wê dirêjiyê bide kar û xebatê li hindur welêt tevlî baredox û nîrên zehmet û dijwar û herwiha wê dirêjiyê bide tekoşîna xwe ya cemawerî û siyasî û diblomasî bi dilozî û bi bîr û bawerî bi dadmendiya doza xwe heta bidestxistina mafên netewî bi timamî, û karê rasteqîn ji bo avakirina Sûriya paşerojê, Sûriya federal, bi gerantîkirina mafên netewî yên gelê me û mafên sercem pêkhateyên din di destûra wê de ligor peyman û rêkeftinnameyên navdewletî”.
Sikirtariya giştî ya ENKSê, di dawiya peyama xwe de, pîrozbahiyên germ û ji dil dan hemû gelê kurd û her kurdekî li cîhanê, û hêvî xwest ku li nêzîk wê êş û azar û bêpariya wan ji mafên netewî bidawî bibe, bi hêviya pêşmeftinê xwest bo tevgera rizgarîxwaza kurd li herçar parçên kurdistanê, û bidestxistina destkeftên netewî yên zêdetir û herwiha pîrozbahiya pêşmergên qehreman kir yên ji bo rûmet û serbilindiyê û standina mafên gelê kurd di çeparan de ne.
Jêder: Beşê Kurdî Ji Nivîsgeha Ragihandinê Ya Hevbendiya Niştimanî
