Hin çalakvanên Sûriyê kampîneyek li bin navê “Kampên Mirinê” ragihandin, ji bo diyarkirina rewşa penaberên ji navçeyên rêxistina DAIŞ ber bi navçeyên bakur yên di dest milîsên “QSD” de reviyane.
Milîsên “QSD” rê li pêşiya vegera koçberan bo bajarên xwe girtin, û wan naçar dikin ku ber bi jiyana kampên li çolê ve biçin yên kêmtirîn mercên jiyanê li wan peyda nabin.
Ku li herdu parêzgehên Dêrazorê û Reqê pêleke koçberiyê ya mezin peyda bûye bi sedema şerên li navçeyên sivîlan û bombebarankirina bitewşî û bikaranîna bombeyên napalim û yên fisforî her ji destpêka oparseyonên Hevpeymaniya Navdewletî yên ji bo derxistina rêxistina DAIŞê ji wan herdu parêzgehan, tevlî kiryarên rêxistina DAIŞê yên ji bo neçarkirina ciwanan li ser tevlîbûna wan di nav rêzên çekdarên wê de.
Rêvebera kampaniyê Felek Elhesên ji dezgehên ragihandunê re ragihand ku bi tenê riyên ber bi navçeyên di dest hêzên “QSD” de man vekirî, piştî girtina sercem riyan li pêşiya xelkê Dêrazorê û Reqê û Hisiçe.
Elhusên balkişand ku kampên ji aliyê hêzên “QSD” wek serbazgehên neçarî ne ku têde xelkê kom dikin û nahêlin ji wan kampan derkevin ber bi Tirkiyê yan ber bi navçeyên artêşa azad ve, û bal kişand ku hebûna kefîlekî ji xelkê navçeyê û kujmeke diravan ku digehêje heta “hezar dolarî” ji aliyê wan milîsan li ser koçberan têne ferzkirin.
Elhusên got: “jiyan di girtîgehan de baştir e ji ya di kampên hêzên QSD de, ku mercên zehmet tên ferzkirin li ser derketina ji kampê”, û got ku ” derketina ji hin kampan wek li kampa Elsed ku bi carekî li vê dawiyê hatiye rawestandin”.
Rêvebera kampaniyê tekez kir ku kêmtirîn binemayên jiyanê li kampên li navçeyên biyabenê peyda nabin, û Felek got ku zêdetir ji deh kesan li kampa “Elkeramê” li Reqê û hinên din li kampa “Elsed” mirine.
Hêjayê gotinê ye ku berdevka komîta Xaça Sor ya navdewletî li Sûriyê, Encî Sidqî dirustkirina zêdetir ji 40 kampan li navçeyên dûr li rojhilatê Sûriyê û hebûna nêzîkî 70 hezar kesî di wan kampan de tekez kiribû, ku gihandina alîkariyan bo wan zehmet e, û bal kişandibû ku “mar û dupişik dibin gefên rojane li ser jiyana koçberên di kampên biyabanê de”.
Rêvebera kampaniyê daxwaz ji civak û rêxistinên navdewletî kiribû ji bo vekirina karîdorên mirovî ji sivîlên ji hêlên şer û navçeyên dibin destê DAIŞ de ku DAIŞ wan neçarî tevlîbşna nav hêzên xwe dike aware dibin , û herwiha daxwaz kiribû ku kamp bikevin dibin çavdêriyek navnetewî de, û mîkanîzmek bo parastina navdewletî bo wan koçberan û peydakirina pêdawîstiyên jiyanê.
Jêder: Ofîsa Ragihandina Hevbendiya Niştimanî/ Qasiyon