Koma kar ji bo filestîniyên Sûriyê evro di raporteke xwe de aşkere kir, 1180 penaberên filestînî ji kamp û niştekomên sereke li Sûriyê ji destpêka şoreşê 2011ê heta cehzerana bûrî hatine girtin.
Raporta komê diyar kir ko 248 penaberên filestînî ji kampa Xan Elşêx li gundewarê Şamê û 237 filestînî ji kampa Elaidîn li Humsê û 243 penaber ji kampa Elyermûk hatine girtin û belgehkirin.
Raportê got rêjîmê ji kampa Elneyreb li Helebê 98 filestînî û ya Elremil li Laziqiyê 83 kes û li Hema ji kampa Elaidîn 53 kes û li Kampa Dera 42 kes hatine girtin.
Raportê got girtina bi dehan li kampên din li Sûriyê bi giştî hatiye belgehkirin, lê hêzên ewlehiyê heta nuha bêdeng û çarenivîsa wan aşkere nake, her weha mirovên girtiyan jî bêdeng in ji tirsa zordariya endamên ewlehiya rêjîmê.
Tîma çavdêrî û belgehkirinê ya koma kar di raporta roja sêşembê anî ziman ko hejmara qurbaniyên filestînî yên ko bi guleyên segvanên rêjîma Esed ji destpêka şoreşê ve gihaye 311 kesan, tîmê tekez kir ko hejmareke mezin ji wan li kampa Elyermûk ya penaberên Filestînî li başûrê peytextê Şamê hatine kuştin.
Jêder: Ofêsa Ragehandinê ya Hevbendiya Niştimanî
