Hin çalakvanên Sûrî hişyarî dan derbarê berdewamiya hêzên rêjîma Esed û sponsora wê Rûsiya li ser bombebarankirina deverên rizgarkirî li bakurê Sûriyê, û tirsa xwe dîyar kirin li ser egera ku ev êrîş bibin sedema bilindbûna rêjeya kocberan, ku topbarana zemînî û hewayî di sê rojên borî de bûne sedema kocberbûna bêtirî 21,341 kesî.
Tîma “Kordînatorên Bersivdanê ya Sûrî” duh di daxuyaniyekê de berdewamiya operesyonên leşkerî yên ji hêla rejima Esed û Rûsya, di nav bêdengiya navnetewî de ji alîyê hemû aktorên Sûrî ve şermezar kir, û hişyarî da ji tirsa zêdebûna hejmara mirovên derbider ji encama gulebarana rojane ya li ser deverê.
Tîmê destnîşan kir ku hewlên berdewam ji hêla Rusya û rêjîmê ve, tên bi armanca valakirina deverê ji sivîlan, û diyar kir ku tişta diqewime wekî sûcên koçberkirina bi zorê tên ji hêla hêzên rêjîmê ve her ji destpêka sala 2015’an û heta niha.
Di daxuyaniyê de hat ku di sê rojên borî de, ji aliyê hêzên rêjîma Esed 61 xal li deverên gundewarên Heleb, Hama, Idlib û Latikiya hatine topbarankirin û bi taybetî bi awayekî rasterast gundewarê rojavayê Idlibê.
Tîmê di daxuyaniya xwe de piştrast kir ku hêzên rêjîma Esed û Rûsya gelek sazgeh û binesaziyên girîng armanc kirine, û di nav de deverên bijîşkî, navendên perwerdehî û kampên penaberan.
Jêder: Ofisa Ragihandina Hevbendiya Niştimanî Sûrî
