Hevalbendiya rêkxistinên Sûrî “SNA”, evro duşembê, metingeke Pirotestokirinê bi helkefta ‘’ Roja Karê Mirovî‘’ lidar xist, bo pirotestokirina bombebarana herêmên kêmkirina şer li bakurê Sûriyê û berdewambûna amanckirina kadirên mirovî.
Ev daxwazî hat piştî ko karmendên di biwara mirovî de li cihên wan ên naskirî her weha tîmên wan ên veguhêz yên ko birîndaran diguhêzin, bûne amancên rasterast ji çekên asmanî yên Esed û Rûsya re.
Berevaniya sivîl ya Sûrî ragehand ko tîmek wan bi firokên cengê yên Rûsî hatine amanckirin, di encamê de karmendek birîndar bû, û di hefteyên bûrî de çend karmendên biwara mirovî hatine kuştin û hin birîndar bûne.
Hevalbendiya rêkxtinên Sûrî “SNA”, ji mezintirîn rêkxistinên karmend e li bakur ku bêtir ji 22 rêkxistinan di nava wê de hene.
Netewên Yekbûyî êrîşên ko rêjîma Esed û Rûsya li ser gundewarê Idlib û Hemayê pêk tînin pirotesto kirin, ku ji encama wan du karmendên biwara mirovî şehîd ketin, û rêkxistina navnetewî daxwaz kir ko karmendên bijîşkî û mirovî û alavên guhastina wan û tiştên wan û nexweşxane û bargehên giştî li gora yasaya navdewletî bêne parastin.
Hevrêzkarê herêmî yê karûbarê mirovî yê netewên yekbûyî, Mark Kats, roja pêncşembê, destnîşan kir ko karmendên biwara mirovî û karmendên ragihandinê ‘’ jiyana xwe dikin metirsiyê bo sivîlên dorpêçkirî rizgar bikin‘’, û tekez kir ko hejmara qurbaniyan rojane zêde dibe, ji encama operasiyona tund ya êrîşên asmanî ko desthilat û hevalbendên wê pê radibin.
Tête destnîşankirin ko ahenga salane bi roja cîhanî ya karê mirovî ko evro 19 tebaxê bîranîna wê ye, ji bo bilindnirxandina bizava karmendên hawarhatinê ye , ji ber ew jiyana xwe dikin metirsiyê ji bo jiyana xelkê din rizgar bikin, û di vê rojê de piştgirî tête kirin bo wan kesên ko ziyan ji qeyranên li cîhanê dîtine.
Jêder: Ofêsa Ragehandinê ya Hevbendiya Niştimanî
