Komîteyên Hevrêzkariyê Yên Xwecihî li sûriyê, koçberkirina bi tevahî ji 9 bajar û gundên parêzgeha Der’a ji destpêka şoreşa Sûrî di azara 2011 de, û guhertina wan bo baregehên leşkerî belge kiriye .
Û çalakvaninan tekez kirin ku rêjîma Esed bi her bajarokekî re şêweyek cuda ji dagîrkirina leşkerî û koçberkirinê û qewitandina xelkê bikar aniye, û hin bajarokên din bi firok û topxaneyan û mûşekan hatin bombebarankirin û jêrxaneya wan hat wêrankirin, ji bo neçarkirina xelkên wan li ser destjêberdanê.
Hejmara xelkên van deveran 87 hezar kes e, û ev dever –li gor belgekirina komîtan- Şêx Miskîn yê ku vê dawiyê berxwedaneke mêranî kir bi dirêjahiya 2 heyvan dijî hêzên Esed û Milîşiyên tayfeperest tevlî sîwana firokên Rûsiyê, û ev ba bajar li bakur-orteya parêzgeha Der’a ye bi 25 K.m, û hejmara xelkên wê 30 hezar kes e, û hêzên Esed milêşiyên tayfeperest ji 26/1/2016 dest danîne ser.
Her weha gundê “Dêr Eledes” yê li dora devera bi “Sêgoşeya Mirinê” tê binavkirin, cê ku parêzgehên Qunêtira û Der’a û Gundewarê Şamê lê digihên hev, hejmara kesên wê berî koçberkirinê 5 hezar bû, milîşiyên Hizbullah yên terrorist û hêzên pasvanên Îranî di 10/2/2016 dest danîn ser, dema hewl didan dest deynin ser devera”Sêgoşeya Mirinê”û”Tel Elhara”.
Û koçberkirin giha gundê “Cedye” yê gundewarê pakurî-rojava nêzî Tel Elhara, hejmara kesên wî digihê 5 hezarî , hêzên Esed ji berî salekê de dest danîne ser, di dema artêşa azad li deverê pêşde diçû, û nema hêlan ku xelkên wî vegerin warê xwe.
Her weha gundê “Namir”yê li ser riya navdewletî Şam-Der’a, ket nav belgekirinê de, yê hejmara xelkên wî dighêje 4 hezarî, û dema şerê Cisir Horan di Nîsana 2013an de ji aliyê hêzên Rêjîmê hat desteserkirin.
Ji bajarokên hatine desteserkirin “Xirbe Xezalê ” yê bi “Alketîbe” tê binavkirin, û ew jî li ser riya navdewletî ye, hejmara xelkên wî 25 hezar e, di şerê Cisir Horan de di 12/5/2013 hat desteserkirin.
Û bajarokê “Etman” yê bakurî Bajarê Der’a, hejmara xelkên wî 10 hezare, hêzên Esed û milîşiyên tayfeperest di bin sîwana firokên Rûsî de di 5/2/2016 desteser kirin.
Û ji gundên hatine koçberkirin “Delî” ye, yê bi “Sihêle” tê binavkirin, yê li rojavayê riya navdewletî li bakurê bajarê”Şêx Miskîn”, hejmara xelkên wî 8 hezar bû, ji aliyê hêzêên esed hat desteserkirin dema destdanîna yekem car ser bajarê”Şêx Miskîn” sala 2014.
Jêder: Hevbendî
