Toreya Sûrî Ya Mafê Mirovan got ko wê binpêkirinên Rêjîma Esed ji biryara nemre 2118 serhejimar kirine, ew gihane 87caran, di sala 2014an 59 caran, 28 caran di evê sala nuha de, ji nav wan 15 caran biryara 2209an hatiye binpêkirin, ya ko tekez dike li ser eger çekên kîmawî bikar hatin, dê li gora benda heftan danûstandin bi tawankaran re bê kirin.
Her wiha Toreyê di raportekê de bi navê “Li Benda Êrîşa Xûta ya Duyem” , mirina 59 kesan bi bihnçikandinê belge kir, piştî derçûna biryara 2118 di 27 eylûlê de sala 2013an heta nuha ji encama bikaranîna çekên kîmawî.
Digel ko ew hejmara kesên di rewşa fetisandinê de gihaye 1480 kesî, Toreyê got êrîş li ser Idlibê, Gundewarê Şamê, Helebê û Dêra Zorê çê bûne. Ev Herêm hemû di bin destê Şoreşgeran de ne.
Toreyê tekez kir ko Rêjîma Esed yasaya navdewletî ya mirovî binpê kiriye, ji ber ku çekên kîmawî yên qedexe li gora peymana Roma bikar anîne û ew tawankariya cengê ye. Ewî tawankariyên kuştinê kirine û digihên asta tawankariyên dijî mirovantiyê li gora benda heftan ji peymana Romayê, çimkî ew ji çar salan ve bi şêweyekî rêbazkirî ewan derandinan dike.
Hevbendiya Niştimanî ew êrîşên Rêjîmê yên bi çekên kîmawî protesto kirin, û doz li Encûmena Ewlekariyê kiriye ko biryara 2209 cîbicî bike û li jêr benda heftan karê parastina sivîlan bike û aramî û ewlekariyê biparêze.
Ji aliyê xwe ve cîgira Serokê Hevbendiya Niştimanî Nexem Elxadirî got”xuyaye berdewambûna Rêjîma Esed di zêdegaviyan de nîşana pûçbûna Encûmena Ewlekariya Navdewletî ye, ko li dijî Rêjîmê bi tiştekî ranebûye, û evê yekê hiştiye ko di tawankariyên kuştinê de berdewam be, bê ko li biryarên Navdewletî bipirse”.
Xadirî destnîşan kir ku tawankariyên Rêjîma Esed ferz dikin ku”Civaka Navdewletî êrîşên Firokên Rêjîmê qedexe bike û Herêmine aram û parastî ji sivîlan re dabîn bike”.
Jêder: Hevbendî