Rêjîma Esed bi hemû şêweyan dixwaze fişarê bide ser sivîlan û yên ko beşdarî tevgera şoreşgerî li Der`a bûne, û nahêle sivîl an şervanên artêşa azad yên berê tiştekî bi milkên xwe bikin, bi amanca astengkirin û girêdana tevgera her kesê ko tawaneke ewlehiya Sûrî li ser hebe.
Çalakvanên xwecihî gotin ku dezgehên rêjîma Esed bi mebest dest danîne ser pereyên çendîn sivîlên ko di tevgera şoreşgerî de beşdar bûne, hin ji wan di encûmenên xwecihî yên bajêr de bûn, û hinên din ji yên di dezgehên alîkariya sivîlan de kar dikirin.
Çalakvanan gotin ku rêjîma Esed dest daniye ser mal û milkên tên guhastin û yên nayên guhastî yên gelek serpereşt û endamên berê yên alayên artêşa azad, çi ew kes amade bin li parêzgehê, an kesên bi karwanên koçkirinê re çûne bakurê Sûiyê bin.
Dezgehên ewlehiya rêjîmê kesên di nav alayên artêşa azad de bûn, neçar dikin ku di dema kirîn û firotinê de erêkirina hêzên ewlehiyê bînin, tev ko ew erêkirin bo yên tev li hêzên rêjîmê bûne negerek e.
Di çarçova fişaran li ser kesên berê di tevgera şoreşgerî de beşdar bûne, hêzên ewlehiya rêjîmê operasiyonên girtinê li parêzgehê berdewam dikin, ko ta niha bi dehan kes hatine girtin, ji nav wan serpereşên alayên lihevhatinê û endamên berê yên artêşa azad û sivîlên ko di encûmena xwecihî de bûn.
Hevbendiya Niştimanî ya hêzên şoreş û rikberiya Sûriyê tekez kir ko fişara rojane ya li ser sivîlan li herêmên hêzên rêjîmê ew bi darê zorê dagîr kirine û dest danîne ser milkên xelkê, diyar dike ko piştî heşt salan ji kuştin û wêrankirina rêbazkirî hêjî rêjîm bi heman rengî dirame.
Tête destnîşankirin ko hêzên rêjîma Esed piştî çend hefteyan ji destdanîna ser başûrê Sûriyê, biryar da bo standina malên hin kesan bi behaneya teroristiyê, jin jî di nav wan de hene, û dektorek ko wek birêveberê nexweşxana meydanî bû, û her weha çend ragehêner û hin sivîlên derveyî welat.
Jêder: Ofêsa Ragehandinê ya Hevbendiya Niştimanî/Acans
