Hêzên rêjîma Esed berdewam in di bombebarankirina herêmên kêmkirina şer de li bakurê Sûriyê, û hin gund û bajarok bi topxane û mûşekan amanc kirine, vê yekê hişt ko tevgereke derbideriyê çêbibe.
Alavên ragehandinê yên xwecihî anîne ziman ko bombebaran li ser Idlibê û gundewarê wê berdewam e, di encamê de li bajarê Circinaz sivîlek şehîd ketiye û hinên din birîndar bûne, her weha bombebaran gihaye bajarokê Elletaminê, Elteh û gundê Babolîn û Elxiwîn û Um Celal li gundewarê başûr.
Û tevgera derbideriyê li piraniya bajarokan çêbû, ber bi herêmên hundir û bakurê Sûriyê de, di rewşeke mirovînî ya nebaş û seqayeke pir dijwar de.
Her weha top û tangên rîjîmê gund û bajarokên gundewarê Hemayê bombebaran kirin, û giha derdora bajarê Morik û Elletaminê, û gundê Erbeîn û Elzekat û Elcîsat û Letmîn, bê hebûna ziyanên giyanî.
Hevbendiya Niştimanî ya Hêzên Şoreşê û Rikberiya Sûriyê got: ‘’nabe piştguhkirina navdewletî derbarê kirdeyên rêjîmê berdewam bimîne, û li behaneyan digere ji bo agirbestê binpê bike, û zincîra tawankariyên xwe berdewam bike. ‘’
Hevbendiya Niştimanî tekez kir ko rêjîm û milîtanên Îranî her hewil didin ku peymana Idlib binpê bikin û komkujiyan çêdikin, û bal kişand ser ko ev hevpeyman û yên piştgiriya wan dikin dê her berdewam bin di têkbirina çareseriya siyasî de her ko derfet ji wan re çêbibe.
Û dibîne ku rawestandina tawankariyên cengê ji civaka navdewletî tête xwestin, bi taybetî bo parastina sivîlan, da biriyarên navdewletî yên derbarê Sûriyê û nemaze biryara 2254 cîbicî bibin.
Jêder: Ofêsa Ragehandinê ya Hevbendiya Niştimanî
