Hêzên Rêjîma Esed dîsa çekên kîmawî yên qedexekirî bikar anîn û taxên bajarê Şamê yên rizgarkirî bombebaran kirin, ku berî du mehan nikarîbûn ber bi taxê ve pêşde herin.
Nivîsgeha bijîşkî ya yekbûyî li taxa Cober di daxuyaniyeke xwe de îro şembiyê diyar kir ko beşê çareseriya lezgîn pênc kes pêşwazî kirin, ew kes ketibûn rewşa xendiqandinê ji encama bikaranîna hêzên rêjîmê ji gazên jehrîn re, û diyar kir ko “ew birîndar bihnçikandî bûn û verdirşiyan û gêj dibûn û çavên wan nikarîvûb xweşik bibînin.”
Feyleq Elrehman ya bi ser artêşa Sûrî ya azad ve çarşemba borî ragihand ko bêtir ji heft kesan ketine rewşa xendiqandinê piştî ko hêzên rêjîma Esed aniyên şer yên bajarokê E’yn Tirma ya bi ser taxa Cober ve bi gaza kilora jehrîn amanc kir.
Toreya Sûriyê ya mafê mirovan di raporteke xwe de roja yekşembê 13.08.2017 got ko rêjîmê bikaranîna çekên kîmawî ranewestiye, û piştî bûyera bombebarana bajarê Xan Şêxûn li gundewarê Idlibê pênc êrîşên gaza kîmawî hatine belgekirin.
Çalakvanan ji Xûta diyar kir ko hêzên rêjîmê 32 mûşek ji cûreyê Fîl bi ser taxa Cober û bajarokê E’yn Terma yên Şamê de berdane.
Her weha hêzên rêjîmê bajarê Kefer Betna bi topan topbaran kirin, di encamê de çend sivîl birîndar bûne û avahî û milkên xelkê wêran kirin.
Bi vê yekê hêzên rêjîmê bi piştgiriya pasvanên şoreşger yên Îranî û milîtanên hizbulaha tirorist peymana agirbestê ya ko duh înê demjimêr 9 bi şev destpêkiribû binpê kirin.
Jêder: Nivîsgeha Ragihandinê ya Hevbendiya Niştimanî
