Toreya Sûrî ya mafnasiyê evro duşembê namak ji şandyarê nû yê Netewên Yekgirtî Cîr Bîdirson re şandiye, derbarê paşeroja danûstandinên Cinêvê û çareseriya siyasî li Sûriyê.
Toreyê destnîşan kir ko Netewên Yekgirtî di pirosêsa Cinêvê di heşt pêvajoyên wê de çirûskeke hêvî dida miletê Sûrî ko ber bi dîmuqratiyê ve biçe, li gora nameyê pirosêsa siyasî êdî bilez paş dikeve.
Nameyê anî ziman ko rêjîma Esed bi tundî gengeşekirina zenbîla sereke anko desteya desthilatdariyê red dike, ji nav çar zenbîlên ko Netewên Yekgirtî destnîşan kirine, ku ew jî ev in: ‘’ Desteya desthilatdariyê, ya destûrê, ya hilbijartinê, û ya têkbirina tiroristiyê’’, û got ko ji dêvila wê ve, giringî bo pirosêsa destûrê û ya hilbijartinan hatiye dan.
Name dibîne ko pilana zenbîlan dijî biryara encûmena ewlehiyê ya hejmara 2254ê ye, û bal kişande ser ko li gor pilana taybet ya cîbicîkirina zenbîlan, xwiya dike ku biryara 2254ê ew rêka tekez e bo bidawîkirina ramana mafên mirovan li Sûriyê, û çi asoyên aştiya demdirêj jî têde nîn in.
Nameya toreyê tekez kir ko rewşa Sûriyê li gora dîtinên mafnasiyê bûye bobelatek, di heman dema berdewambûna danûstandinan de jî, rewşa mafên mirovan aloz bûye, û got ku ev gotûbêj nikarin miletê Sûrî ber bi aştiyeke bi wate û demdirêj ve bibin.
Nameyê got ko Rûsya pêvajoya pirosêsa siyasî bi tekûzî serûbinê hev kir, gava mafê redkirinê (vîto) 12 caran bikar anî, û hêzên xwe yên leşkerî bo piştgiriya rêjîmê şandin, û got ku arîşeya bingehîn ya ji serdema Hafiz Elesed û ta ya Beşar di cîbicînekirina madeyên destûrê û pabendnebûna pê de ye.
Rêkxistinê nîgeraniya xwe anî ziman derbarê ko çavdêriya Netewên Yekgirtî nikare tirsa miletê Sûrî nehêle, ko piştî hilbijartinan kesên di helbijartinan de beşdar bûbin û ne gor siyaseta rêjîmê bin wê bên sizadan, bê guhdana encamên helbijartinan.
Nameyê bal kişand ser giringiya bidûrxistina rêkxistinên ku mafên mirovan li Sûriyê binpê kirine, bo çi rola wan di pirosêsa siyasî de tune be, û daxwazên civaka sivîl wek wê bigehînin.
Nameyê daxwaz ji Netewên Yekgirtî kir ko pêngavine piraktîkî bavêjin bo operasiyona danûstandinan li gora pirinsîbên biryara 2254 û daxuyaniya Cinêvê, û divê haydar bin ji berdewamiya binpêkirina mafên mirovan û cenga vekirî.
Jêder : Ofêsa Ragehandinê ya Hevbendiya Niştimanî