Rêjîma Esed di serê lîsteya aliyên ko binpêkirin derheqê ragehandinê kirine de ye, li gora raporta salane ya navenda Sûrî ya azadiya rojnamevaniyê ya kombenda rojnamevanên Sûrî, ya ko evro sibehê derketiye, derbarê binpêkirinên dijî ragehandin û ragehêneran di sala bûrî de.
Di raporta navendê de hatiye ko rêjîma Esed di serê lîsteya li dijî ragehandinê û ragehêneran ya sala 2018ê de ye , li derve û hindirê welat.
Raportê diyar kir ko binpêkirinên li dijî ragehandinê ji kuştin, birîndarkirin, lêdan, girtin û êşkencekirinê dest pê kirine, her weha devgirtin û nehêlana ku ragehêner karê xwe bi azadî bikin, hem amûrên hin dezgehên ragehandinê birine û hinên din girtine û nehiştine kar bikin.
Raportê tekez kir ko binpêkirinên sala bûrî yên ko navenda Sûrî ya azadiya rojnamevaniyê ya kombenda rojnamevanên Sûriyê sala bûrî belgeh kirine, rewşa nebaş ya azadiya ragehandinê li Sûriyê li gor ya cîhanê aşkere dike.
Raportê destnîşan kir ko guherînin bingehîn di cureyê binpêkirin û hejmara wan de hene, û got ku serjimêr diyar dikin ku piraniya binpêkirinên belgehkirî sala bûrî rewşên girtin û desteserkirin û ravandinê bûn, lê lêdan û birîndarkirin kêmtir bûne.
Raportê diyar kir ko di çarîka pêşî ji sala 2018ê de, hejmarek binpêkirin çêbûne, bi sedema ko rêjîma Esed bi kampaniyeke bombebaranê ya rêbazkirî li Xûta rojhelat rabûye, û her weha bombebarana wê û hevalbenda wê Rûsya ji herêmên corbicor re yên Sûriya ji wan pêk tê.
Raportê anî ziman ko bûyera herî xuyanî di meydana ragehandinê de li Sûriyê sala bûrî ew e, koçberkirina hejmareke mezin ji ragehêneran ji Hums û Xûta û Dera ber bi bakur û dewletên derdorê ve, piştî ko rêjîmê bajar û bajarokên wan kontrol kirine.
Raporta navendê bal kişand ser ku 15 ragehêneran sala bûrî jiyana xwe ji dest dane, bi wê hejmarê hejmara giştî ya ji nîveka adara sala 2011ê ve heta dîroka derçûna raportê, kuştina 445 ragehêneran hatiye belgehkirin.
Rêkxistina ‘’Peyamnîrên Bêsînor‘’, Sûriyê xistiye rêza duyem ya sala 2018ê, wek bêtirîn welatê rojnamevanan asteng dike, di raporta xwe ya salane de ya di 18ê çileyê pêşî de belav kiriye. Û ji serjimara binpêkirinên li dijî rojnamevanan li cîhanê, Sûriyê li pey Afganistan hatiye.
Jêder: Ofêsa Ragehandinê ya Hevbendiya Niştimanî
