Endamê Encumana Niştimanî ya Kurd Ebdo Elûş ji malpera mere ragihand ku piraniya miletê Kobanê koçber bûye, ta niha bi hezarên xortan berê xwe dane Ewrupayê û yên mane jî dixwazin herin.
Elûş sedemên vê rewşê dan zanîn û got “ji ber êrîşên çekdarên DAIŞê li ser Kobanê û rewşa awarte ya milet têre derbas dibe, ji ber tunebûna pêdêviyên jiyanê, bû sedem ku piraniya xelkê koçber bibin”.
Her wiha Elûş bal kişand ser rola Partiya Yekîtiya Demuqrat di berdewambûna vê rewşê de.
Ji hêla xwe ve Şerîf Fadil yek ji xelkên Kobanê ye li Belcika jiyan dike, di pêwendiyekê de ji malpera mere got “ez û bi hezarên wekî min neçar man ku koçber bibin, ger derfeteke pak ji jiyanê re li Kobanê heba wê ti kes koçber nebaya”.
Leyla Mistefa ji xelkê Kobanê ye li Tirkiyê dijî ji mere got “em nizanin ku kengî wê şer li Kobanê bi dawî bibe lewra Em jî raman dikin ku herin derveyî welêt tevlî ku zor û zehmetiyên çûnê pir in”.
Jêder: Hevbendî
