Di çarçoveya serdanên xwe yên Ewropî de, Şandeya Encûmena Kurdî ko ji Serokê Encûmenê Ibrahîm Biro û endamê Nivîsgeha peywendiyên derve Siyamend Haco pêk tê, îro çarşembê 2 Adarê 2016 demjimêr dudoyê piştî nîvro digel heşt endamên Perlemana Ewropî ji firakisyonên corbicor û ji heft dewletan Elmanya Nimsa, Firensa, Îtalya û hinên din re civiya.
Gelek babetên giring yên bi rewşa Sûriyê ve girêdayî ne gengeşe kirin. Û giring e ko çareseriyeke siyasî bête dîtin di çarçoveya dewleteke Fîdralî ko azadî, rûmet û aştiyê tê de ji hemû pêkhatiyên Sûrî re misoger bibe. Û miletê Kurd mafên xwe yên netewî li gora peyman û belgehên navdewletî qezenc bike. Hem jî giring e berdewam rawestandina operasiyonên dijayetiyê li Sûriyê û fişar bête kirin li ser rêjîmê û hevalbendên wî yên herêmî û yên navdewletî û rêkxistinên tirorist ko bi agirbesta li Sûriyê pêk hatiye pabend bin, û giring e kongirê Cinêvê wek çareseriyeke hişmendî ji evê qeyranê re lidar bikeve. Û vexwendineke fermî ji bo birêz Biro hate şandin dako gotinekê li Komîta derve ya perlemanê Ewropî bide.
Şandeya Encûmenê evê sibehê digel birêz Ilîn Simêt endamê Komîta peywendiyên derve ya Yekîtiya Ewropî re civiya, ya ko guhdanê li rewşa Sûriyê û Îraqê dike, ya ko gelek pêşengeh vekirine û tawankariyên rêjîma Esed li ser asta cîhanî û hem kuştara Helebçe ya ko bi destê Seddam Hisên bûye aşkere kirine.
Jêder: Hevbendî
