Encûmena xwecihî ya bajarê Erbîn bêdengiya navdewletî derbarê “kuştara kirêt” ya ko rêjîma Esed duşemê bi şev derheqê bi dehên sivîlan pêkaniye pirotesto kir û got ku endamên Cebhet Elnsra li bajêr nîn in.
Endamê encûmena xwecihî ya bajarê Erbîn di kongirê rojnamevanî de yê ko duh li hindirê bajêr lidar xist, diyar kir ku tirseke mezin ket nav sivîlan de ji encama bombebarana xurt ya ko hêj ticaran bi vî rengê mezin çênebûye, ne ji aliyê cûreyê çekan de nejî ji aliyê firehiya rûberê devera ku hatiye amanckirin .
Dîdevanekî diyar kir ko bombebaran dijî herêmên niştecihan ên hejmarek mezin ji sivîlan li wan heye, bi heşt mûşekên valahiyê yên Rûsî pêkhat.
Cîgirê serokê desthilata Sûrî ya demkî Ekrem Tu’me doh sêşembê got ku endamên Cebhet Elnesre li bajêr nîn in, û bombebaranê taxên niştecihan amanc kirine.
Tu’me ji radyoya “Hewa Simart” re got ku bajarê Dûma û Erbîn diyardeyên çekdarî li wan nîn in, û Tu’me berdewam kir û got ku“Rûsya û rêjîm hebûna Elnesre dikin behane ji bo sivîlan amanc bikin.”
Ebû Emar Hecer birêveberê Encûmena xwecihî ya bajarê Erbîn ji malpera (kuluna Şureka) re bal kêşand ser ku “Encûmenê daxuyaniyek derxist tê de rêkxistinên navdewletî û di serî de Netewên Yekbûyî dan ber pirsiyariyên wan derbarê parastina sivîlên bêçek.”
Birêveberê nivîsgeha ragihandina yekbûyî ya bajarê Erbîn Ebû Elyisir Bera got: “em ji heft salan ve fêr bûne ko rêjîm biryar û peymanên navdewletî binpê dike, û her car em li ser agirbestekê an aramiyekê dixwînin lê em dibînin bombebaran û êrîşên azmanî yên li dijî sivîlan bêtir didin”
Encûmena leşkerî ya bajarê Şamê û gundewarê wê, berpirsiyariya kuştara bajarê Erbîn kir hustê Rûsya çimkî ew dabînkera peymana “Kêmkirina Asta Şer ”e, û Rûsya berê ragihandibû ko wê yekem cihê lêgerînê li Xûta Rojhilat daniye ji bo çavdêriy“Kêmkirina Asta Şer” bike.
Kuştarê 20 kuştî û 50 birîndar li şûna xwe hiştin, piraniya wan jin û zarok in, ko bi bombebaraneke asmanî bazareke gelêrî û avahiyên sivîlan li bajarê Erbîn amanc kirine û ev binpêkirineke nû ji agirbesta li herêmê re ye.
Jêder: Nivîsgeha Ragihandinê ya Hevbendiya Niştimanî/Acans