Duhî roja înê li gundewarên bakurê Hema û yê Der’ayê, şoreşgeran karîn destkeftên coreyî bidest xwe ve bînin, û karîn çend xalan kontirol bikin, hevdem digel êrîşên esmanî yên firokên Rûsiya ku di encamê de hejmarek ji sivîlan hatin kuştin.
tabûrên şoreşgeran piştî şerên dijwar li hember hêzên Esed karîn rêbendên (Mirîşkgeha Ebû hesen- Lehya- Elboyîda) li gundewarê bakurê Hema kontrol bikin.
Hin jêderên meydanî kuştina gelek ji serbazên Esed û ji mêlîşiya (Bergiriya Niştimanî) ya alîgera rêjîmê di şer û pevçûnan de ragihandin, û yên din revîn piştî ku nikarîbûn xwe li ber êrîşa şoreşgean bigirin.
Di heman çarçovê de tabûrên şoreşgeran bi topxaneya giran û bi avêjokên mûşekan herdu serbazgehên (Corîn û birêdîc) û tevî rêbendên veguhêz li gundewarên parêzgehê bombebaran kirin.
Li hember vî karî, firokên Rûsiya bajarê Elletamê û gundê Qestûn bombebaran kirin û li aliyekî din hilîkopterên Esed bi bermîlên teqîner gundê (Elzelaqiyat) li bakurê Hema bi bermîlên teqîner bombebaran kir.
Ku di wan şeran de ziyanên Hêzên Esed şeş tank bûn ku 4 hatin têkbirin û 2 hatin desteserkirin, tevî zerîpoşeka (BMB) û bildozerekê û têkbirina yeka din û (reşaşeka 24.5) û çar zerîpoşên din.
Ji aliyekê din tabûrên şoreşgeran karîn çend xalan li bajarê şêx Miskîn vergerînin û hevdem şerê nû li dijî hêzên Esed li gundewarê Qonêtira destpê kir.
Herwiha hin baregehên hêzên Esed bi hawinan armac kirin û êrîşek birin li ser rojavayê bajêr ku karîn gelek xal û rêbendan kontrol bikin. di wan şer û pevçûnan de gelek ji hêzên Esed û çeteyên wî hatin kuştin û birîndarkirin û pênc ji wan hatin dîlkirin û du tank jî hatin têkbirin.
Piştî van şer û pevçûnan firokên Rûsiya êrîşên himbiz birin ser bajar û bajarokên derdora Şêx Miskîn, û firokan êrîş birin li ser heryek ji Şêx Miskîn û Newa û bajarokên Elxariya rojava, hevdem ku hêzên Esed bajarên Şêx Miskîn û Newa û Inxil û Ebteh û Elkerika rojhilat û Besîr Elherîr bi topxaneya giran topbaran kirin.
Hêjayê gotinê ye ku ev pêşketina şoreşgeran tê piştî sê rojan ji kontrolkirina Şêx Miskîn ji aliyê hêzên Esed ku bajar û parêzgeha Der’a bi Qonêtira û Siwêda ve girêdide, tevî ku xalek stratîjîka di navçeya bakurê Der’ayê de.
Li gundewarê rojava Qonêtira şoreşgeran cengek bi navê cenga (Hawarhatina Zarokên Medaya Û Zebedanê) ragihandin ji bona rizgarkirina Ciba û herdu girên Til Kirom û Tilbizaq, ku wargehên Esed bi mûşek û narincokan hatin armanckirin li herdu bajarên Elbe’is û Ciba û li Tilkirom û Tilşe’ar ku bidehan ji srbazên Esed hatin kuştin û birîndarkirin.
Li aliyek din hêzên Esed bi mûşekan û topxaneya giran gund û bajarokên Qonêtira Rizgarkirî bombebaran kirin hevdem digel êrîşên firokên Rûsiya li ser derdora bajarokê Meshera.
Jêder: Hevbendî
