Li bajarê Qamişlo roja Yekşemê 30 êlûnê, hêza Sotoro ya bi ser Rêveberiya PYD ve, nivîskar û lêkolînerê Aşûrî Silêman Yûsif binçav kir.
Li gor agahiyên malbata Yûsif, hêza Sotoro demjmêr 8 êvarî girtin ser mala wî ya li bajarê Qamişlo, û ew û pirtûk û labtopa wî jî desteser kirin.
Rewangeha Aşûrî ya mafê mirovan derbarê binçavkirina nivîskar û lêkolîner Silêman Yûsif daxuyaniyek belav kir têde bi tundî binçavkirina Yûsif şermezar kir.
Di heman daxuyaniyê de rewangehê rêveberiya PYD weke berpires di ber aramiya jiyana Yûsif de dît, û ragihand ku rêveberiya PYD destdirêjiyê li jiyana welatiyan dike û ew yek nayê qebûlkirin.
Tê zanîn ku nivîskar û lêkolînerê Aşûrî Silêman Yûsif ji dayikbûyê bajarê Qamişlo ye sala 1957, û gotarên wî di gelek rojnameyên navdar de tên belavkirin.
Jêder: Beşê Kurdî ji Nivîsgeha Ragihandinê ya Hevbendiyê