Hêzên rejîma Esed êrîşên xwe xurt dikin li dijî taxên nişteciyên parêzgeha Idlibê, ku bûne sedema şehîdketina sê sivîlan, û birîndarbûna hejmarek kesên din bi birînên cuda li hin deverên din yên parêzgehê.
Li gor çalakvanan ku zarokek şehîd bû û heşt kesên din jî birîndar bûn di nav wan rewşên giran hene bi sedema topbarana gundê “Elneyreb” li rojhilatê Idlibê ji aliyê hêzên rejîmê bi mûşekên deaktîv.
Hin çavkaniyan diyar kir ku bazara bajarê “Cisr Elşixûr” bi mûşekan ji aliyê hêzên rêjîmê hat bombebarankirin, û têde kesekî sivîl hat kuştin û neh kesên din birîndar bûn û birîndarin birîn-giran hene, ji bo nexweşxaneyên nêzîk hatin veguhestin.
Herwiha jinek hat kuştin û du kesên sivîl birîndar bûn di êrişeke bi mûşekan ya hêzên rejîmê de li ser gundê “Xan Elsebîl” li başûrê rojhilatê bajarê Idlibê û gundê “Abu Dali” li bakurê parêzgeha Hama.
Herwiha du welatiyên din li bajarê Seraqib di êrişeke mûşekan ya hêzên rejîmê de yên ji balafirgeha leşkerî ya Abu Elzihûr li rojhilatê bajarê Idlibê birîndar bûn û ji bo nexweşxaneyeke nêzîk ji aliyê Berevaniya Sivîl hatin veguhestin.
Ku parêzgeha Idlibê bi berdewamî ji aliyê hêzên rejîma Esed û hevalbendên wê bi top û mûşekan tê armanckirin, û gelek caran kuştî û birîndar di nav sîvîlan de dikevin, û ji aliyê xwe ve Hevbendiya Niştimanî cext kir li ser pêwîstiya hebûna helwesteke rijd ya navnetewî, ji bo bidawîkirina binpêkirin û êrîşên rojane yên ji aliyê rejîma Esed li dijî sivîlan li Idlib û Hamayê pêk tên, ji ber ku rejîm sivîlan bi mebest armanc dike û komkujiyan li dijî wan pêktîne.
Hevbendiya Niştimsnî tekezî li ser giringiya dûvçûna kesên berpirsyar di ber binpêkirina peymana navçeya bêçek kir, û bikaranîna maîkanîzmên çavdêriyê yên ku li ser hatiye lihevkirin, ji bo ku peyman nebe amrazek ji bo çavgirtinê û sizanekirina tewankaran.
Jêder: Ofîsa Ragihandina Hevbendiya Niştimanî ya Sûrî
