Helbijartinên parlemantoya rêjîma Sûrî, îro çarşemê 13 Nîsanê, li parêzgeha Hesekê ji demjmêr 7 sibhê ve destpêkirin.
Helpijartin li bajarên Hesekê û Qamişlo û hin gundwarên parêzgehê birêve çûn, li gor agahiyên peyamnêrê malpera me yê tekez kir ku piraniya beşdarên van helbjartinan ji alîgirên rêjîmê û karmendên dewletê bûn.
Her wiha peyamnêrê me bal kişand ku karmendên dewletê ji hemû bajar û bajarokên parêzgeha Hesekê beşdarî helbijartinan bûn, û li gor karmendekî ku beşdarî helbiartinan bibû û nexwest navê wî bê eşkerekirin, ji malpera me re got ku ew ji hêla hêzên ewlekariya rêjîmê ve rastî gefên dûrxistina ji kar hatibûn eger ew beşdar nebin.
Heman karmendî diyar kir ku enamên hêzên ewlekariyê bi hejmareke mezin li navendên helbijartinan weke çavdêran amade bûn.
Tê zanîn ku Encumana Niştimanî ya Kurd li Sûriyê ENKS ji welatiyan xwestibû ku helbijartinên parlemantoya rêjîma Sûrî baykot bikin.
Jêder: Hevbendî
