Rojnameya Birîtanî Tilgiraf anî ziman ko çekên asmanî yên Rûsya çend nexweşxane û navendên bijîşkî li Xûta rojhelat li gundewarê Şamê bombebaran kirin, piştî ko semta cihê wan ji Netewên Yekgirtî standine.
Rojnameyê got ku nexweşxana bajarê Erbîn ya li Xûta rojhelat ya dorpêçkirî di 20 adara borî de û piştî ko Rûsya û Emerîka semta cihê rêkxistinên nefermî yên li Xûta rojhelat û Idlib kar dikin daye wan.
Rojnameyê diyar kir ko bombeya li nexweşxanê da dikarîbû derbasî avahiyê bibe û bû sedema kuştina nexweşekî li nexweşxanê, rojnameyê got ko Mosko li pey operasiyonê bû çimkî firokên rêjîma Esed ew cûreyên bombeyên ko dikevin kûrahiya erdê û di pey re dipeqin li rex wan nîn in.
Tilgiraf got ku çend rexne li Netewên Yekgirtî hatine kirin bi sedema ko beşdarî di dana semta nexweşxanan de li herêmên rizgarkirî kiriye û ji hêla Rûsya û rêjîmê hatine bombebarankirin.
Rojnameya Îma Pîliz (rojnameyeke serbixwe ye) vekolînên rojnamevanî li Sûriyê dikirin, di banga xwe ya Tiwîterê de diyar kir ko ‘’ wê yekem car sala 2013ê agahî li ser êrîşên lidijî karmendên biwarê bijîşkî li Sûriyê belav kiribûn.‘’
Û got: ‘’ rêkxistina bijîşkên bêsînor û komela Sûrî-Emerîkî ya bijîşkî û ya Humen Rights Watsh û ya Bijîşkên bo mafên mirovan li Sûriyê û hejmarek mezin ji kesan, tektîka berdewam ya amanckirina bi mebest ji bargehên bijîkî re ji berî çend salan de nivîsandine, û ew êrîş tev jî ji hêla heman alî pêk hatine. ‘’
Rojnameyê destnîşan kir ko ‘’ daxuyanî di 12 adarê de di navbera rêkxistinên nefermî û dabînkeran de bo hev hatine dan, piştî wê êrîşa li ser nexweşxana Erbînê di 20 adarê de çêbû tev ko asê û veşrtî bû.’’
Netewên Yekgirtî û toreyên mafnasiyê anîne ziman ko êrîşên rêjîmê û Rûsya li ser bargehên bijîşkî bi mebest in. Hevbendiya Niştimanî jî tekez kir ko bombebaran ji bo pêkanîna fişaran li ser sivîl û şoreşgeran ne, da wan neçar bikin ji mal û erdê xwe derkevin û biçin cihên din.
Hevbendiya Niştimanî dibîne ko encamên awayê rêbazkirî yên bombebarana li ser bargehên bijîşkî û bazaran naskirî ne, û got ko ew tawankariyên cengê ne, û nabe çav ji wan bê girtin.
Jêder: Nivîsgeha Ragihandinê ya Hevbendiya Niştimanî/Acans
