Toreke mafên mirovan ya Sûrî tekez kir ku rejîma Esed û hevalbendên xwe bi awayekî mezin peymana Idlib binpê kirine û pê pabend nebûne, û ew binpêkirin bûne sedema şehîdketin û birîndarbûna bi sedan welatiyên sivîl û wêrankirina hejmarek avahîyên girîng.
Tora Sûrî ya Mafên Mirovan, roja înê di raportekê de gotiye ku 248 kes bi sedema bombebarana hêzên Esed û hevalbendên wê ji deverên sivîlan re li bakurê Sûriyê her ji ragihandina peymana Idlib li 17ê Îlona sala par de hatine kuştin, û got ku wê 4594 binpêkirin ji peymanê re tomar kirine.
Torê rejîma Beşar Esed bi berpirsyariya di ber 4476 binpêkirinan de gunehbar kiriye, û hêzên Rûsya herî kêm berpirsyara 34 binpêkirinan e, ku di encamê de bi giştî 248 kesên sivîl, di nav de 82 zarok û 43 jin hatine kuştin, û pênc komkujî hatine pêkanîn.
Di raporê de hatiye diyarkirin ku rêjîm berpirsyara mirina 185 welatiyên sivîl e, di nav de 71 zarok, 36 jin û 3 komkujiyan, hevdem ku li ser destê Rûsyan 63 sivîl, di nav de 11 zarok û 7 jin hatin kuştin, û du komkujî hatine pêkanîn.
Li gorî raportê 87 binpêkirinên hêzên rêjîmê hatine belgekirin, di nav de 17 li ser cihên olî, û 19 li ser dibistanan, 6 navendên pizîşkî, û 4 li ser bazaran, û tekez kir ku rêjîm berpirsyar e di ber 71 êrîşan de, û li gorî raportê 13 êrîş ji aliyê hêzên Rûsya hatine pêkanîn.
Di raportê de hatiye diyarkirin ku 11 êrîşên bi cebilxanya deaktîv û êrîşek bi çekên gazê li parêzgeha Idlibê ji aliyê hêzên rejîma Esed di navbera îlona 2018 û 14 adar 2019’an de hatine pêkanîn.
Raportê bal kişand li ser pêwîstiya ku Komîseriya Bilind ya Mafên Mirovan raporta xwe ji bo Konseya Mafên Mirovan û sazîyên din ên Netewên Yekbûyî pêşkêş bike, der barê binpêkirinên hatine pêkanîn ji alîyê hevalbendîya Sûriyê Rusya.
Tora mafên mirovan di pêşniyarên xwe de ji Konseya Ewlekariyê ya NY re, daxwaza aramkirina agirbestê li Idlib kiriye, tevlî tedbîrên cezakirinê bo hemû binpêkirinên agirbestê, û bang li hêzên Rûsya kiriye ji bo rawestandina hemû tawanên şer li Sûriyê.
Hevdem ku Hevbendiya Niştimanî ya hêzên şoreş û rikberiya Sûryê daye zanîn ku hemû binpêkirinên hatine pêkznîn ji hêla rejîmê û hevalbendên wê ve ji bo alozkirina çareseriya siyasî ne.
Û gotiye ku pêwîstiya vê rewşê bi hewlestên cidî ji aliyê hemû dewletên pêwendîdar heye, û divê civaka navdewletî bi erkên xwe rabe ji bo parastina aştî û ewlehiya navnetewî, û giringiya rawestandina tawanên şer û dadgehkirina tawankaran.
Jêder: Ofîsa Ragihandina Hevbendiya Niştimanî