Hin raportên mafên mirovan û yên ji ser erdê piştrast kirin ku jin û zarok herî zermernd in ji êrîşên hêzên rêjîma Esed û Rûsya li ser deverên kêmkirina zêdegaviyan li bakurê Sûriyê, ya ji 26’ê nîsanê ve bi rêya bikaranîna bombeyên giran û qedexekirî dibe.
Tora Sûrî ya Mafên Mirovan, duh di raporta xwe de serjimêriyek li ser binpêkirinên li dijî jinan li deverên Idlib û Hemayê ji encama kampanya leşkerî ragihand, û da zanîn ku herî kêm 82 jin hatine kuştin, ligel birîndarbûna 253 jinên din, her ji destpêkirina oparesyona leşkerî di 26’ê meha nîsanê û heta duhî 19’ê cehzîranê.
Raportê herî kêm koçberbûna 58,000 jinan û topbarana 33 navendên bijîşkî, di nav de çar nexweşxaneyên taybet bi nexweşiyên jin û zarokan belge kiriye.
Hêjayê gotinê ye, ku Tora Sûrî ya Mafên Mirovan bi helkefta roja cîhanî ya jinê , 8’ê adara borî, diyar kiribû ku ji aliyê hêzên Esed û mîlîtanên wê 21,609 jin hatine kuştin, di nav 9901 keç, û bi vê yekê rêjeya jinan 78 % ye ji hejmara qurbaniyan, her ji destpêka şoreşa Sûrî de sala 2011’an.
Raporta tora navbûrî diyar kiriye ku hejmara qurbaniyên jin li Sûriyê hejmara 27 hezar derbas kiriye, û tekez kiriye li ser girîngiya derxistina biyarekê li ser dabînkirina mafên bingehîn yên jinan û parastina wan ji êrîş û kuştina bêserûber.
Raportê bal kişandiye ku tundiya li dijî jinan li Sûriyê ne weke ti tundiya li cihên din ji cîhanê ye, ku tundî her tim berdewam û zêdetir dibe bi awayekî sîstematîk ji aliyê aliyên sereke yên pevçûnan, bi taybetî jî rejîma Esed û hevalbendên wê.
Ku rêxistinên mafên mirovan û welatên Ewropa û Yekîtiya Ewropayê, bangê didin ji bo zêdekirina sepandina sizayên aborî li ser alîgirên rejîma Esed, û bi taybetî li ser Îran û Rûsya, û herwiha ji bo pêşkêşkirina her alîkariyeke berdest ji bo saziyên civaka sivîl ji bo perwerdekirina qurbaniyan, û tevlîkirina dubare di nava civakê de.
Jêder: Ofisa Ragihandina Hevbendiya Niştimanî ya Sûrî
