Tora Sûrî ya mafê mirov girtina nekêmtir ji 588 kesan bi awayekî neyasayî li heyva çiriya pêşiyê ya borî dîkomînt kiriye, ku bi rêjeya 73% ji wan li ser destê hêzên Bişar Esed hatine girtin.
Tora navhatî raportek duhî duşemê belav kiriye û têde hatiye ku 5397 kes her ji destpêka 2017 an û heta heyva çiriya pêşiyê li ser destê aliyên karîger li Sûriyê hatine girtin.
Herwiha têde hatiye ku nekêmtir ji 117 hezar kesî hatine girtin her ji destpêka bizava şoreşgerî li heyva adara 2011 an ve, û bal kişandiye ku bi rêjeya 99% li ser destê hêzên Bişar Esed hatine girtin.
Torê di raporta xwe de daxwaza pêkanîna komîteyek taybet kiriye ji bo dûvçûna doseya bêseruşûnan û eşkerkirina çarenivîsa 86 hezar bêseruşûnî ku bi rêjeya 90% li ser destê Rijêmê hatine bêseruşûnkirin.
Herwiha daxwaza dûvçûna cêbicêkirina biryarên 2042 û 2043 û 2139 yên ji bo rawestandina bêserûşûniyê ji encûmena ewlehiya navdewletî kiriye.
Tora mafê mirov daxwaza xistina fişaran li ser hemû aliyan kiriye ji bo diyarkirina doseyên girtiyan û serbestberdana zarok û jinan û bidawîkirina bikaranîna girtiyan wek mertalên şer.
Torê dawaz ji berpirsê fayilê girtiyan li nivîsîngeha şanderê navdewletî Staffen De Mestora kiriye, ji bo derbaskirina doza girtiyan di rojeva kongirê Cinêvê yê bê de, û herwiha dest bi lêkolînê bike derbarê doseya girtiyan bi rêka diyarkirina çarenivîsa 76 hezar bêseruşûnbûyên li rex rijêma Esed
Jêder: Ofîsa Ragihandina Hevbendiya Niştimanî