Toreya Sûriyê ya mafên mirovan di raporteke xwe de duh yekşembê, anî ziman ko wê kuştina 34 kesan bi êşkenceyê di zindanên Esed de di heyva gulanê de belgeh kiriye.
Toreyê di raporta xwe de destnîşan kir ku peymanên kêmkirina tundûtûjiyê, êşkence di zindanên rêjîmê de kêm nekir û ne jî di yên aliyên tundrew ên dîtir de, li gora raportê; agirbest tenê li ser maseyê pêk hatiye.
Di raporta toreyê de hatiye “tawankariyên ko civaka navdewletî û bi taybetî aliyên dabînker nabînin, hêjî berdewam in û tiştek ji wan nehatiye guhertin.”
Raportê bal kişand ser ku ev pirbûna qurbaniyên mehane bi êşkenceyê, û ev tiştê hatiye belgekirin hejmara herî kêm e, û têde diyar dibe ko “ew siyaseteke rêbazkirî ye û jêdera wê serê rêjîmê ye”.
Toreyê bêtir anî ziman ko rêjîm bi hemû rêveberiyên hêzên xwe ve bi vê siyaseta rêbazkirî ya ko li zindanan tête meşandin haydar e, û li gora raportê ev tawankariyên cengê û yên li dijî mirovanhiyê ne.
Toreya Sûrî ya Mafên Mirovan, kuştina 195 kesan bi êşkenceyê ji destpêka sala 2017an ve tomar kiriye, Toreya mafnasiyê daxwaz ji Encûmena Ewlekariyê kir ko biryarên xwe yên derbarê Sûriyê cîbicî bike û hemû kesên binpê kirine siza bike, û doz ji dabînkerê Rûsî kir ko giring e hêzên rêjîmê rawestîne ji astengkirina peymana “kêmkirina pevçûnan ” û dest bi vekirina kêşeya girtiyan bike, di riya eşkerekirina çarenivîsa 76hezar bêserûşûnên di girtîgehên rêjîmê de û çarenivîsa wan ne diyar e.
Jêder: Nivîsgeha Ragihandinê ya Hevbendiya Niştimanî