Li gor jêderinan di nexweşxaneya leşkerî ya bajarê Humsê de kar dikin gotin ” Di vê heyvê de, piştî vedîtina goristaneke tevayî li devera ” Wadî Sexîr” nêzî gundên “Tarîn ” û ” Kinêse ” ji ber çûna xweliyê li ber şapan li Gundewarên Hums yên Rojavayî, sedên laşan gihane nexweşxaneya leşkerî ya bajarê Humsê”. Jêderan li gor Toreya Sûrya Zindî tekez kir ” Hêzên ewlekariyê ji destpêka vê heyvê de 381 laş ji “Wadî Sexîr” veguhestin nexweşxaneya leşkerî nêzî taxa We´ir ” û got: ” kuştin di demin cuda de çêbûne, pirên pakrewanan dîroka mirina wan vedigere berî du salan, û hin ji wan berî çend mehan mirine, û destnîşan kir ku hindek ji wan kevalê hestiyên wan tenê mane, û pirê laşan yên zarokan e, qoqên wan ji ber lêdana bi alavin hişk pelixî ne “.
Jêderan diyar kir ” Pirên laşan yên xelkên Baba Emru ne, di cilên hindekan ji wan nasnameyên wan hebûn, mîna malbata Cûrî, Liwîs, Ziraî, Xidir, û Sebûh, ev malbat hemû yên ku li taxa Baba Emru li Humsê dijiyan”. dîdevanekî ji Gundewarê Rojavaî got: ” Her ez di wir re derbas dibûm bihnek genî dihate min û min axa nû didît mîna ku erd hatibe tevdan û temirandin, herweha dever bi kûçikên bêxwedî ku berê bi vê pirbûnê tune bûn hat dagirtin”.
Li gor toreyê dora 70 malbatî di 2 Yonyo 2012an de piştî derbasbûna hêzên rejîmê bo taxê ji Baba Emru reviyan û berê xwe dan rêbenda Niqêre, û rêbenda bajarokê Cober, ku di wê demê de aliyên ewlekariyê mîna endamên ewlekariya azmanî û siyasî berpirsên wan rêbendan bûn, herweha hindek endam ji milişiyên şebîha, yên ji wan hatin naskirin: Mihemed Elqebewî, Mihemed Zehrûr, Selîm Hemdûş, Şucah Elelî, Ebdilhelîm Yûsif, û Hisên Elhecar, ev kes ji gundên Xirbet Elhemam, Bilqisa, û Um Elizam in, ev gund jî hemû dikevin derdora cihê ku goristana giştî lê hate vedîtin.
