Texrîd Elheclî Wezîra Rewşenbîrî û Karubarên Xêzanê ya hikûmeta Sûriya demkî bi tundî komelkujiya taxa Qabûn şemezar kir, ya hatî encamdan bi sedema topbarankirina hêzên Esed ji qutabxaneyeka zarokan re bi guleyên hawinan, ku têde 17 zarokan jiyana xwe jidest dan, herwiha wezîra navhatî bêdengiya navdewletî li hember tawanên Esed di derheqa miletê Sûriyê de û nemaze zarokan de şermezar kir, û di heman demê de daxwaza dûrkirin û parastina wan di hevrikî û ji şeran de kir. Hêjayî gotinê ye ku duhî Hevbendiya Niştimaniya Sûriyê bi tundî tawana rêjîma Esed û armanckirina qutabxaneya “Elheyat” li Taxa Qabûn ya li Şamê bi guleyên hawinan li beyaniya roja çarşemê pirotisto kir, ku bû egera şehîdbûna 17 zarokan û birîndarbûna 40 zarokên din ku birînên hindekan ji wan giranin. ji aliyekî din berdevkê Hevbendiya Niştimanî carek din daxwaza” pirkirina karê navdewletî bo rawestandina cenga qirkirina gelê sûriyê li ser destê rêjîma Esed bi hemû coreyên çekan kir, ku rojane tawaneka nû li lîsteya xwe ya mirinê zêde dike”. û Elmislit di daxuyaniya xwe de got ku:” tawanên Esed û nemaze dubare armanckirina qutabxane û xestexaneyan, pêwîstiya wê bi helwesteke kartêker û vebir ji aliyê civaka navdewletî heye, û ji tevan tê xwestin ku xwe dûr bikin ji hevok û zaravên ku nagihêjin çareseriyeke sertaserî bo rawestandina xwînrijandina Sûriyan, û xwestek û daxwazên Sûriyan di azadî û demokrasiyê de pêk naynin”. Û armanckirina berdewam ya hêzên Esed bo qutabxaneyan dikeve di çarçova pilangeriyeka peyrewkirî bo bizdandina welatiyan ji bo neşandina zarokên xwe bo dibîstanan û belavkirina nezaniyê, wek tolvedanekê ji paşeroja Sûriyan, têzanîn ku hevbendiya niştimanî di gelek daxuyaniyan de armanckirina rêjîma Esed ji zarokan re pirotisto kiriye di ” dibîstana Eyn Calût ya li taxa Elensarî li Helebê, di êrîşeka esmanî de li ser pêşngeheka nîgarkêşiyê ya nexşeyên Zarokan, ku di wê pêşangehê de nêzîkî 30 zarok û kesûkarên wan şehîd ketin û tevlî dehên birîndaran”. Û ev ne yekemîn care ku armanckirinên bi vî şêweyî diqewimin, ku ” li sala par û di heman qutabxaneyê de pêşangeheka zarokan hat armanckirin têde 31 sivîl şehîd ketin ji wan 6 zarok bûn”. Herwiha daxuyaniyê tekez kir ku” raporta rêxistina hiyûman rayits witiş ya duhî derket, tekez dike û dide xuyakirin ku rêjîma Esed berdewame di kuştina welatiyên sivîl, bi riya encamdana kiryarên gulebarankirina bêserûber li dijî wan”. Têzanîn ku Hevbendiyê tawana armanckirina qutabxaneya Bediredîn Elhisnî li taxa Elşaxûr li Şamê ji berî çend heyvan bi guleyên hawinan şermezar kir ku têde bêhtir ji 25 zarokan şehîd bûn û bi dehan birîndar ketin”. Û daxwaz ji civaka navdewletî kir ji bo ” karekî bilez û rêgir bo rawestanina tawanên rêjîma Esed yên hovane bikin”. û bi tundî ji ” Encûmena Ewlekariyê xwest ku tewnkaran bide ber dadkirinê “. Hêjayî gotinê ye ku di wê demê de Ebdurehman Elhac rawêjkarê serokê hikumeta demkî armanckirina rêjîmê ji dibîstanên zarokan re weha anî ziman:”bizavên peyrewkirî bo têkbirina paşeroja sûriyayê”, û di çavpêketineka xwe de ligel nivîsîngeha ragihandinê got ku “hîç tawankariyek kirêtir nîne ji kuştina Zarokan, bi merema pêkanîna armancên Siyasî”, û ramana xwe weha jî salix da:” seyr û ecêbe ku hemû komlekujiyên Esed li dijî zarokan û fêrkirinê bi xemsariyek navdewletî tên pêşwazîkirin, ku hewlewstên wan ji şermezarkirin û nerazîbûnê derbas nabin !” û Elhac got ku” diyare Esed dixwaze paşeroja Sûriya têk bibe û Sûriyan bêhêvî bihêle”.
Jêder: Hevbendî+ Hikûmeta demkî
