Piştî daxuyaniya serkirdeyê di Partiya Yekîtiya Demuqrate de Aldar Xelîl, di derheqê pêşmergeyên Roj ku ew bi çetan wesf kirin, nerazîbûnek berfireh di nav kurdên Sûrî de peyda kir, û li ser rûpelên tora civakî çalakvanên kurd Aldar Xelîl û daxuyaniya wî bi tundî rexne kirin.
Xelîl Mistefa Endamê Xwecihiya Kobanê ya Encumana Niştimanî ya Kurdî, ji malpera me re ragihand ku daxuyaniyeke bi vî awayî dide xuyakirin ku ew ti kesan ji bilî xwe qebûl nakin, û ne amade ne ji bo karekî hevbeş, û ev gotin ti xizmetê ji gelê me re nake û ti behweriyê bi karê hevbeş nahêle.
Mistefa balkişand ku Pêşmergeyên roj ji kurdên Sûrî ne û ji bo paristina hermên Kurdî li Sûriyê hatine perwerdekirin, û destê wan di kuştina xelkên me de tune ye, ji vê jî berpirsên PYD baş dizanin ku girngiya vegera wan çiye.
Di dawiya axaftina xwede, Mistefa nîşan da ku pêwîste PYD dest ji ecindeyên xwe yên teng berde eger ew bi rastî dixwaze ligel miletê kurd be.
Jêder: Hevbendî