Duh roja yekşemê bi dehan sivîl li meydana Elsa’a gihan hev û xwepêşandanek mezin lidar xistin, ji bo şermezarkirina bombebarana hêzên rêjîma Esed û Rûsya li ser parêzgeha Idlib û Hemayê, ya ku bû sedema şehîdketin û birîndarbûna bi dehên sivîlan .
Û xwepêşanderan nameyek arasteyî civaka navdewletî kirin û gotin ku biryara pêşî û dawî ya xwediyên xakê ye, û bêdengiya beramber tawanên ku ji aliyê Rûsya û rêjîmê ve dibin şermezar kirin.
Û ji aliyê xwe ve Hevbendiya Niştimanî ya Hêzên Şoreş û Rikberiya Sûriyê daxwaz ji civaka navdewletî kir ji bo hêzên rêjîmê û hevalbendên wê rawestînin û got: “eger civaka navdewletî ji dil xwedanê kartêkerkirina pêvajoya çareseriya siyasî be, divê ew armanckirina rêjîmê ya berdewam ji sivîlên bêçek re li Idlib û Hemayê rawestîne”.
û parêzgea Idlib û deverên bakur û rojavayê Hemayê tûşî bumbebaraneke topxane û mûşekên berdewam ji aliyê hêzên rêjîmê û Rûsya dibin, û Berevaniya Sivîl a Sûrî diyar kir ku operasyonên dijî bajar û bajarokên bakurê Sûriyê ji 12 vê sibatê ve bûye sedema qurbanbûna bi dehên kesan ku jin û zarok jî di nav wan de hene, û Berevaniya Sivîl amaje kir ku gelek cûreyên çekan di bumbebaranê de hatine bikaranîn û got ku “ 456 avêjtokên topxaneyan û mûşekan û 52 mûşekên goşeyî hatine belgekirin”.
Her weha bumbebarana mûşekan bû sedema rawestandina dibistanan ji ber tirsa li ser jiyana xwendekaran, piştî ku bumbebaranê hejmarek dibistan armanc kirin û bû sedema kuştina hejmarek ji zarokan.
Jêder: Ofîsa Ragihandina Hevbendiya Niştimanî ya Sûrî
