Çend xwepêşindan duhî roja înê li gundewarê Helebê, Idlib û Reqa derketine, tê de daxwaza piştgiriya artêşa azad kirin, ya himber êrîşa leşkerî ya ko rêjîm û Rûsya li herêmên kêmkirina şerî li bakurê Sûriyê pêktînin derdikeve.
Her weha xwepêşindanan tekezî li ser mafê sivîlan di jiyanê de kirin , herweha rawestandina operasiyonên bombebaranê yên bargehên sivîl û yên bijîşkî armanc dikin, û daxwaza rûxandina rêjîma Esed û bidestxistina azadî û rûmetê kirin.
Dezgehên ragehandina xwecihî û çalakvanan wêneyên bajarokê Sermeda bakurê Helebê weşandin, û gotin ku xelkên bajarok xwepêşindanek rêkxistin kirine, û bi dehan tê de beşdar bûne, di siloganan de li ser berdewamiya şoreşê heta misogerkirina mafên wê tekez kirine.
Her weha li gundewarê Helebê du xwepêşandan derketine, yek li herêma Efrîn û ya din li bajarokê Qebasîn, bi dehan xelk di wan de beşdar bûne, û ala şoreşa Sûriyê û diruşmên ko li ser wan hatiye nivîsandin ‘’ ji bil rûxandina Esed çi bedêl tuneye‘’ hildane.
Her weha li bajarê Eltebqa yê bi ser Reqayê ve ji mizgefta Elhemze piştê nivêja înê derketine xwepêşindanê û li bazara bajêr civiyan, siloganên şoreşê gotin, û li dijî hêzên rêjîmê û milîtanên PYD bang kirin, û tekez kirin ko ew piştgiriya xelkên ko ketine ber bombebarana Rêjîmê û Rûsya dikin, û piştgiriya artêşa Sûrî ya azad di himberiya operasiyona leşkerî de dikin.
Xwepêşindan di heman dema operasiyona leşkerî ya tund de bû, ya ko hêzên rêjîmê û Rûsya li Idlibê û Hema û bakurê Laziqiyê ji dawiya nîsana bûrî de pêk tînin, ko di encama wê de bi sedan sivîl hatine kuştin û birîndar bûne, û bi sedhezaran derbider bûne, û jêrxan û bi taybetî xalên bijîşkî û dibistan wêran bûne.
Jêder: Ofêsa Ragehandinê ya Hevbendiya Niştimanî
