Rêxistina Neteweyên Yekbûyî ya zarokan “yûnîsîf” tekez kir ku 115 hezar zarokên Sûrî bi penaberî li Libnan , Turkiyê , Urdunê ,Îraqê û Misrê jidayik bûne, ji ber koçberiya ji tirsa tawankariya rijêma Esed. Tê zanîn ku ji destpêka şoreşa Sûrî de nêzî 3 milyon Sûrî penaberî dewletên cîran bûn, û nîvek ji wan zarok in, û heye ku ev hejmar ta sala 2015an gelekî pirtir bibe, di vê derbarê de rêvebirê cîbecîkar di Yonîsêfê de Entonî Lîk weha got:” îsal gelek milmilanî rûdan, ji lewra ev pîstirîn sal bû sebaretî derdeseriyên zarokên cîhanê di bîst salên vê dawiyê de, lê sala 2015an dide xuyakirin ku wê herî pîs be di vî derbarî de” û rêvebira “yûnîsêf” ya herêmî li rojhilata navîn û bakurî Efrîqiya Mariya Kalfîs got ku:”zarokên sûriyê û malbatên wan nirxekî pir buha ji ber vî şerî didin, û bi nêzîkbûna werzê zivistanê, wê kêmbûna pereyên kirîna xwarinê bandorek xwe ya zor li wan bike”.û yûnîsîf handana da dewletên bexşîner ji bo:” dabînkirina piştgiriya lezgîn ji bo pêkanîna pêdawîstiyên giring ji zarokên sûrî re, û dûrkirina bobelatek tekez”. Û haydarî da li ser ku ” milyonên zarokên sûriyên herî lawaz bi zikên birçî dirazin”. Û got ku ew beşdariya bangawaziyê dikin ji bo” bidestxistina piştgiriya awarte ji bo pirogramê xwarinê yê cîhanî, piştî ku pirogiram hat neçarkirin li ser helawîstina alîkariyên ku ji bo 1.7 milyon sûrî ji nifşên herî lawaz di herêmê de”, û Hadî Elbehra ji serokê Hevbendiya Niştimanî Sûrî bang li civaka davdewletî kir ji bo” hilgirtina berpirsiyariyên xwe yên exlaqî ji bo rê li ber jinêzamirina ku pêşbînkirî ye û gefê li jiyana bisedên penaberan dixwe bigirin, û dabînkirina diravên pêwîst ji bo berdewam bin di pêşkêşkirina alîkariyan di riya pirogramê xwarinê yê cîhanî re “. û weha jî got:” ragihandina pirogramê xwarinê yê cîhanî ku ew ê alîkaiyan ji ser 1.7milyon penaberên Sûrî yê li dewletên cîran helawîsin, ji ber kêmbûna darayî, cihê dilnerehetiyek zore, nemaze ku beşek mezin ji van penaberan li ser van alîkariya jiyana xwe birêve dibin û zivistanek qerisî li pêş wan e, û bandora zivistanê zor girane li ser wan, li gor hin raporan ragihandin ku hin penaberên Sûrî li Libnanê ji serma mirine”. Û Behra weha pêde çû:” helawîstina alîkariyên navdewletî, jiyana bihezarên penaberên sûrî dixe bin metirsiya jinêzamirinê de , û fişareke xurt datîne ser dewletên mîvandar yên ku hewla hêwirandina bi sedên hezarên penaberan didin” .
Hêjayî gotinê ye ku pirogramê xwarinê yê cîhanî alîkariyên xwarinê ji ser 1.7milyon penaberên sûrî bi şêweyek demikî helawîstin, piştî dabînkirina beşekî baş ji daraya kêm, û axêvera bi navê pirogiram Elîzabêt Pîrz ya ku di çarşema bûrî de helmetek di riya malperên elektironî yên civakî pêk anî ” pereyên ku gihane pirogiram têra sêyekî ji pêdiviyên vê heyvê dikin, û ji hin kes û fabrîka û desthilatan hatine, û da xuyakirin ku di 24 demjimêrên dawî de 10 hezar bexşîner alîkariyên darayî dane.
Û Pîriz ji ajansa rojnemevanî ya firensî re gotibû ku pirogiramê xwarinê hîn pêdiviya wî bi 42.5 milyon dolarên din heye da karibe alîkariyan ta dawiya vê heyvê dabîn bike, û ewjî şîkên kirîna keresteyên xwarinê ne ji 1.7milyon penaberê sûrî li Libnan û Urdun û Turkiya û Misrê û Nesir Elherîrî emîndarê giştî yê Hevbendiyê got:”bizav û helmetên ku rêxistinên civaka sivîl ji bo piştgiriya pirogramê xwarinê yê cîhanî kirin, cihê serbilindahiyê ye û nîşane ku tukes bi êşa miletan nizane ji miletan pêve,nemaze ku desthilatên heval hê ta niha tişteke berbiçav ji bo piştgiriya pirogiramê xwarinê yê cîhanî nekirine”.
Jêder: Hevbendî
