Duhî Înê Zarokek şehîd ket û diya wê birîndar bû, bi firokeke ji erdê kontrol dibe, taxên niştecihan li bajarê Elletamine li parêzgeha Hemayê, ji ber hêzên rêjîmê dîsa ew herêm xistine ber operasiyonên leşkerî.
Çalakvanên xwecihî gotin ku zarokeke 14 salî şehîd ket, gule li pişta wê ketibû û gihabû dilê wê, û piştî giha nexweşxana Elltamine jiyana xwe jidest da.
Çalakvanan gotin ku firokê bombeyek avêtiye, ligel bombebarana mûşekan û topbaranê ji bargehên hêzên rêjîmê yên nêzî rêbendên Zelîn û Elmesasine û Helfaya.
Şopînerên Hema yên yên ser bi dezgeha berevaniya sivîl ve, li ser malpera xwe ya Tilgiram belav kirine ko hatiye dîtin firokeke çavdêriyê di demjimêrên berî bombebaranê li ser Elletamine digeriya.
Berê jî firokeke ji erdê kontrolkirî di 8 heyva çileyê pêşî ya bûrî de cihê şoreşgeran li gundewarê Hemayê bombebaran kir, di encamê de sê endam ji Aniya Niştimanî birîndar bûn.
Ji demekê ve hêzên rêjîmê firokên kontrolkirî yên bêpîlot bargehên şoreşgeran li gundewarê Hemayê yê bakur amanc dikin, di encamê de pêncşema bûrî sê şervan ji artêşa Sûrî ya azad, bi bombeyên teqîner ji firokeke kontrolkirî nêzî bajarê Elltamine birîndar bûne.
Jêder: Ofêsa Ragehandinê ya Hevbendiya Niştimanî