Komsyona bilinda Netewên yekgirtî, raporteka wênekirî amadekiriye li ser “Belemên Mirinê” yên koçberên nerewa derbasî Ewropa dikin, ku piraniya wan Sûrî ne. û komsyonê da zanîn ku gelek caran karên ruhakirinê yên ku deryavaniya Êtaliya pê radibe pirê caran biser nakevin, eger ruha bûn jî ,koçberên nû rastî çarenivîseke nediyar dibin li parçezemîneke nenaskirî. û her divê mijarê de, malpera Rêveberiya Koçberî û Pasportan li Siwêdê, zanyarî bi amara jimara Sûriyên li Siwêdê da, ku 11hezar û 775 sûrî daxwaza penahiyê kirine di mawê nîvê pêşî ji sala 2014an, di nav wan de 3020 zarok ku jiyê wan kêmtî 18 sala ne, û ji wan 340 zarok bê kesukarên xwe hatine, û heman malperê da zanîn ku rêveberiya koçberiya Siwêdî 9519 kêşe û fayîl bo Sûriyan tomar kirine, ku biryar hat standin bi dana Niştenameya Berdewam bo dema 5 salan bo 8536 kesan. Hêjayî gotinê ye ku piraniya penaberên qesta Siwêd û Ewropa dikin bi giştî, bi şêwazê koçberiya nerewa, bi rêka “Belemên mirinê” qesta wan welatan dikin, ku gelek rûdanên diltezên hatine encamdan û hinek ji wan di deryayan de mirine. û piraniya van beleman berê xwe didin peravên Êtaliya û Yonan, da qonaxeka dî destpê bike, penaber berê xwe didin Siwêd û Elmanya, ji ber ku ev herdu welat hêsantir penaberan werdigirin.
Jêder: Elerebiya