Jon Kêrî wezîrê derve yê Amerîka karê welatê xwe digel Ostoraliya aşkera kir, bo çêkirina rastkirinin navdewletî yên nû bi armanca standina helwîstek tund dijî zêdebûna jimara şervanên biyanî yên tevlî hevrikiyên di Rojhilata navîn de dibin û metirsiya wan li ser welatên wan piştî ku vegrin. Li Sêdnî Kêrî ji rojnamevanan re got:”ev berpirsyariya me teva ye ku vê rewşê ji bo Netewên yekgirtî û Cîhanê tevayî re hildin ji bo ku hemû dewletên pêwendîdar kar û barên xwe bikin ji bo rê li ber vegera şervanên rêxistina DAIŞ û wêranî û tevlihevya ku bi xwe re bînin bigirin”, û got ku ew dê vî babetî di demeke pêş de ji vê salê li ser Netewên Yekgirtî pêşniyar bikin, û xwest ku “baştirîn rê” bê helbijartin da ku hemû dewlet karbin pê bikin bo vê gef û hereşê sînor bikin. hin şirovekarên ewlekarî amara şervanên biyanî yên ji welatên dîtir li Îraq û Sûriyê bi hezaran da nasîn. û Ostoraliya ya serpirştiya van hewlan dike – goman dike ku nêzîk 150 welatiyên wê di nav rêzên DAIŞ de an piştgirên wê ne li Sûriya û Îraqê, û Jolî pêşob wezîra derve ya Ostoraliya got ku;” ji demek dirêj de me metirsiyên bi vê dijwariyê nedîtine”. û Jolî di kongirekî rojnamevanî hevbeş de digel Kêrî di dema rawêjkirinên wezaretan yên salane di navbera Ostoraliya û Amerîka de li Sêdnî got,”Em ditirsin ew hevwelatî wek teroristên xwecihî û tundtir vegerin Ostoraliya, û bizava xwe li Ostoraliya berdewam bikin”. û evê doseyê di wan danustandina de giringiyek mezin stand piştî ku pêr roja duşemê dezgehên ragihandina Ostoraliya, wêneyê zarokekî ku seriyekî jêkirî yê serbazekî Sûrî hilgirtibû belav kir. û ev wêne hate weşandin di tiwîterê de , û navê wî zarokî Xalid Şerîfe û tête goman kirin ku kurê Cîhadiyekî ji Sêdnî ye, û rojnameyeka Ostoralî da zanîn ku jiyê wî zarokî 7 salin. û Kêrî got:” ku ew wêneyekî kirête û pileya nimiz ya ku rêxistina DAIŞê gihayê de diyar dike”.
Jêder:Hevbendî+ Royiterz
