Amerîka û hevalbendên wê soz dan ku dê her heyvekê dosya dadpirsîna rijêma Esed a derbarê bikaranîna çekên kîmawî li dijî gelê Sûriyê li ser maseya Encumena Ewlekariyê deynin, tevî dijîtiya vê pêngavê ji hêla Rusya û Çînê ve.
Û Balyoza Amerîkayê Linda Thomas-Greenfield duh sêşemê got ku rijêma Esed gelek caran derew li civaka navdewletî û li lêkolînerên Saziya Çavdêriya Çekên Kîmawî ya Navdewletî kirin, ya ku tekez kiriye ku rijêmê ev çekên qedexe li ser asta navdewletî bikêmanî neh caran bikar anîn, û got ku Rêvebiriya Serokê Emerîka Joe Biden dê di daxwaza dadpirsîna tam ya rijêma Esed de berdewam bike.
Û Greenfield berdewam kir û got ku divê em xwe radestî westan û xemsariyê nekin, û got ku Esed çekên kîmawî li dijî sivîlan bikar anîne û em ê rê nedin wî ku ew ji berpirsiyariyê bireve.
Û Sekretêrê Desteya Siyasî ya Hevbendiya Niştimanî ya Sûrî Ebdulmejîd Berekat, got ku bêdengnemana li hember dadpirsîna Esed ji ber tawanên wî yên berdewam li dijî gelê Sûriyê, nemaze bikaranîna çekên kîmawî, tiştekî pir giring e, ji ber ku gihîştina çareseriya siyasî li gorî biryarên navdewletî yên taybet bi Sûriyê, dê karibe derdeseriyên gelê Sûriyê û kirîza siyasî li welat bi dawî bîne.
Û Berekat got ku Hevbendiya Niştimanî bi Rêveberiya Amerîkayê û dewletên dostên gelê Sûriyê re di peywendiya berdewam de ye, da ku wan han bide ku rêşûn û helwestên navdewletî yên ku piştgiriya hêviyên sûriyan û daxwazên wan yên rewa ji bo pêkanîna azadî, dadmendî û demokrasiyê dikin, bistînin.
Û Cîgirê Nûnerê Bilind bo Karûbarên Nehêlana Çekan, Adedeji Ibo, Netewên Yekbûyî agahdar kiribû ku rijêm ji dana agahiyên tevaya pirograma xwe bo Rêxistina Qedexekirina Çekên Kîmawî reviya, û bal kişand ser ku rijêmê bersiva pirsên derbarê çalakiyên ku di Navenda Lêkolîn û Xwendinê ya Zanistî de ya bi ser wê ve pê radibû, neda.
Jêder: Ofîsa Ragihandinê ya Hevbendiya Niştimanî ya Sûrî