Rêkxistineke navdewletî daxwaza vekolînên zelal û aşkere û serbixwe derbarê kuştina çend penaberên Sûrî bi êşkenceyê di zindanên artêşa Libanê de, û sizakirina berpirsiyaran kir.
Lema Feqîh cîgira birêveberê beşê rojhilata navîn ya “Human Rights Watch” got: “li gora mukurhatina artêşa Libnanî, rewşa girtiyan ya tendiristî di çaxê girtina wan de têk çûbû, lewra divê vekolîneke fermî û xuya û serbixwe çêbibe, derbarê zordarî li wan hatibe kirin, û divê berpirsiyarên bûne sedema mirina wan bêne sizakirin.”
Piştî operasiyona têwerdan û girtina ko milîtanên Hizbulah û yekîniyên artêşa Libnanî derheqê xort û zilamên li kampa penaberên Sûrî li Ersal berî sê rojan pêkanîne, li gora nûçeyan deh kesên din bi kêmanî bi êşkenceyê şehîd ketine, hejmara girtiyên wan operasiyonan 350 penaber in, piraniya wan ji kampên herêma Ersal in.
Hevbendiya Niştimanî ya Hêzên Şoreşê û Rikberiya Sûriyê di daxuyaniyekê doh daxwaz kir ko vekolînek bilez li ser vê tawankariya derheqê penaberên Sûrî çêbibe, û berpirsiyar siza bibin û ji sizayê rizgar nebin. Û daxwaz kir ko bihêlin parêzer pey mijarê bikevin, û danûstandinê bi hemû girtiyan re bikin, û vekolînê li ser rewşa girtina wan bikin, û kelaxên mayî bê merc bên dan ji mirovên wan re, û cîbicîkirina pêrabûnên yasayî dabîn bibin.
Her weha Hevbendiya Niştimanî ji Netewên Yekbûyî û komîta navdewletî ya mafê mirovan û hemû rêkxistinên navdewletî yên peywenddar daxwaz kir ko bilez tevbigerin, û bi berpirsiyariyên xwe rabin tako van binpêkirin û tawankariyan rawestînin û berpirsiyarên wan siza bibin, tako dabîn bibe ku tawankariyên bêtir çênebin. Hevbendiyê hewildanên dîtina behaneyan ji van tawankariyên derheqê penaberên Sûrî re, wek parastina ewlekariyê an beraberiya tiroristiyê li Libanê an li kampa Ersal red kirin.
Jêder: Nivîsgeha Ragihandinê ya Hevbendiya Niştimanî
