Berdevka Wezareta derve ya Almaniya Sewsen Şiblî diyar kir ku belge di nav destê welatê wê de hene li ser kirîna rêjîma Esed ji rêjeya herî mezin ji nefta rêxistina DAIŞa terorîst.
Duhî roja sêşemê li Berlînê paytexta Almaniya û di kongireke rojnamevanî de, Şiblî gotinên Rûsiya red kirin derbarê “kirîna Tirkiya ji nefta DAIŞê re”, û tekez kir ku welatê wê “tu zanyarî û belge derbarê vê yekê bidest nexistine”.
Tê zanîn ku wezîrê derve yê Amerîka Con Kêrî di miyanê gotubêjên Viyêna yên dawîyê de û di kongirekî rojnamevanî de digel hevkofê xwe yê Rûsî Sêrgî Lavrof gotibû ku Beşar Esed girêbestek digel DAIŞê pêk aniye û ew pêre bazirganiya neftê dike, û herwiha gotibû ku Esed nebabete ku serkêşiya Sûriyê bike û ew herdem derwan li gelê xwe dike.
Herwiha Serokê Tirkiyê Receb Teyîb Erdogan bal kişandibû li ser firotina neftê ji aliyê rêxistina DAIŞê bo rêjîma Esed, û heger pêwîst be lêpirsîn bibe li ser aliyê mal û çekan bo DAÎŞê peyda dike, pêwîst e rêjîma Esed û dewletên pişgiriya wê dikin bên ber çavan “.
jêder:Hevbendî
