Belgenameyek bi dizî ji nivîsîngeha karubarên mirovî ya Netewên Yekgirtî li Şamê derketiye, aşkera kir ku hayê NY ji çend heyvan ve ji birçîbûna Medaya hebû.
Belgename di kovara “forîn polîsî” de hat belavkirin û têde aşkera dibe ku Netewên Yekgirtî guvaş nekirin ji bo şandina alîkariyan bo Medaya, ji berî belavbûna wêneyên zarokan yên tûşî birçîbûnê bibûn li ser kenalên ragihandinê.
Ku nivîsîngeha navdewletî ya hemahengiya karubarên mirovî “Oşa” di şeşê rêbandana niha de belavokek têr û tesel derxist û têde behsa rewşa tirajîdî û kêm xwariniya demdirêj û pêwîstiya Medaya ya bilez bi alîkariyan kiribû, lê belavok nehat belavkirin û ma di nav wan xwebixwe de bê diyarkirina sedemên wê yekê.
Di vê navbirê de, dezgehên hawarhatina navdewletî û yên Sûrî, Rêxistina Netewên Yekgirtî gunehbar kir ku pêwendiyên xwe yên digel rêjîma Esed di ser çarenûsa xelkê bajarokê dorpêçkirî re digire, tevî ku berpirsyaretî nexist li ser stûyê hîç aliyekî û heta amaje nekir ku dorpêçkirin hatiye sepandin li ser Medaya ji aliyê hêzên rêjîmê û çeteyên Hizibulaha terorîst.
Heta ku berpirsên hawarhatinê di Sûriya de dan zanîn ku danustandina navdewletî digel qeyrana Medaya nîşana sernimziya wan ji rêjîma Esed re ye.
Di nameyeke vekirî de bo Netewên Yekgirtî, van berpirsan bal kişandin li ser hewlên wergirtina razîbûna rêjîma Esed ji bona derbaskirina alîkariyan, tev ku ew razîbûn ne pêwîst bû li gor biryara dawiyê ya Encûmena ewlekariyê.
Ew nameya ku Hilmeta Hevkariyê Li Seraserî Cîhanê li xwe girt, karbidestên Netewên Yekgirtî yên li Şamê tometbar kirin bi nêzîkbûna wan ji rêjîma Esed re, û yanjî ew ji pûçkirina vêziyayên xwe ji heman aliyên berpirs di ber birçîkirina xelkê Medaya de ditirsin, wek amajeyekê ji rêjîmê û mîlîşên Hizibulah re.
Ji aliyê xwe ve vê dawiyê Nivîsîngeha “Oşa” daxuyaniyek da û têde diyar kir ku wan giringî da bo pêkanîna têgihiştineke berfereh ku di encamê de dorpêçkirina li ser tevaya navçeyên dorpêçkirî di Sûriyê de bê rakirin.
Hêjayî gotinê ye ku ev belgenameya bidizî hatî belavkirin, bi xwe yadnameyeke navxweyî ya Netewên Yekgirtî ye derbarê Medaya û ew ne ji bo belavkirinê bû.
