Pawlo Pînîro, serokê Komîta Şopandina Rastiyan derbaê binpêkirinên li Sûriyê dibin, rêjîma Esed berpirsyar dît di ber armanckirina sivîlan û deverên sivîl de, ku di encamê de” bisedan ji wan hatin kuştin û nexweşxane û dibistan û jêrxaneya sivîl hat wêrankirin”.
Û di kongirekî rojnamevanî de, doh duşemê, li Niyoyorkê, Pînîro tekez kir ku belge û agahî derbarê kuştina mirovan bi êrîşên asmanî yên hêzên desthilatê, bi taybetî li ser Heleb û Idlibê, li rex Komîta Şopandina Rastiyan ya Encumana Mafê Mirovan ya bi ser NY ve hene”.
Û derbarê berpirsiyariya Rûsiya di ber van êrîşan de, Pînîro got ku Komîta Şopandina Rastiyê”nikare bighê Sûriyê û agahiyên serbazî bi dest xwe ve bîne û kesên êrîşan dike destnîşan bike, lê ew di wê baweriyê de ne ku êrîşin asmanî hene sivîlan dikin armanc, û ev kar rêjîma Esed û hevpeymanên wî dikarin pêk bînin, ne Opozisyon”.
Û di belgenameya ku ji Komîta Şapandina Rastiyan ya Netewê Yekbûyî derketiye, tewanên cengê yên ji 5 salan de çêdibin şermezar kirin, û tekez kir ku sizakirina kesên ev bobelat pêk anîne divê beşek ji prosesa aştiyê be.
Û Amerîka û Rûsiya roja duşembê êvarî, ragihandin ku ew gihiştine rêkeftinekê ji bo agirbestê li Sûriyê, û bicihanîn, wê ji şemiya bê de 27 sibat/fibrayer dest pê bike.
Ew ragihandin di daxuyaniyeke hevbeş di nav Amerîka û Rûsiya de hat, ya wezareta karê derve ya Amerîkî roja duşembê belav kiribû, û têde nîşan dan ku wê agirbest li Sûriyê di nîvê şeva (şemiyê/înê) 26-27ê sibata niha dest pê bike”.
Jêder: Hevbendî