Rêkxistina Lêborîna Navdewletî, Rûsya bi berpirsyaretiya pêkanîna hin tawanên cengê yên pir xwînî di van salên vê dawiyê de li Sûriyê tawanbar kir.
Tîrana Hesen, Rêvebera El-Istîcaba ya kirîzan di heman rêkxistinê de, destnîşan kir ku “Balafirên Rûsî di heyma heftiyên dawî de, bi awayekî sîstematîk deverên sivîlan li Sûriyê, û tîmên hawarçûnê, û dibistan, û nexweşxane kirin armanc”, û tekez kir ku”Hêj êrîş berdewam in”.
Hesen got “Rûsya berpirsyariya tawanên pêkhatî di çend salên bûrî de hildigre “, û destnîşan kir ku “Topbarankirina wê û ya rêjîmê ji deverên sivîlan re tawanên cengê bi xwe ne”.
Berpirsa Lêborîna Navdewletî diyar kir, ku “Îfadeyên karmendên dezgehên hawarçûnê, û kesên xwebexş, û dîmenên deverên armanckirî, destnîşan dikin ku Rûsya tawanên cengê pêk anîne, tevî ku ew xwe ji vê yekê bêrî dike, û naxe sitûyê xwe de”.
Û tekez kir ku”Topbarankirina Rûsî di heyma çar mehan de, 27 dibistan û 27 navendên pijişkî li deverên ku di jêr kontrola Artêşa Azad ne wêran kiriye”.
Herwiha Serokê Hevbendiya Niştîmaniya Hêzên Şoreş û Rikaberiya Sûriyê Xalid Xoce, êrîşên Rûsya yên vê dawiyê li ser Helebê û êrîşên pîlankirî li ser nexweşxaneyan û baregehên pijişkî û dibistanan li Sûriyê şermezar kirin, û daxwaza vekişandina bilez ya hêzên Rûsî ji Sûriyê kir.
Di nameyekê de ku Xoce Doh, 19ê Sibatê arasteyî Encumen Ewlekariyê kiribû, tekez kir ku êrîşên Rûsya li ser nexweşxaneyên Sûriyê û dibistanan”bi mebest in”, û destnîşan kir ku tevahiya nexweşaneyan naskirî ne, û karê wan ê sivîl ji desthilata Rûsya re diyar bû.
Xoce lêzêde kir ku biryara armanckirina baregehên pijişkî li Sûriyê tevî giringiya mezin ji xizmetguzariyên ku pêşkêş dike( Bi awayekî hûrbîn bi sedema giringiya wan xizmetguzariyan ) ew e stratêjiya bi mebest ya ku Rûsya bikar tîne da ku jiyana sivîl li deverên Dijberiyê tine bike, û wan deveran bike deverên ku jiyan lê nabe, û da zanîn ku ev êrîş “tawanên metirsîdar yên cengê” ne.
Jêder: Hevbendî+Ajans
