Şûnkarê sikirtêrê giştî yê karubarên mirovî di NY de, rêxerê hawarçûna tengaviyan, Stîvîn Olbirayin daxwaz ji encûmena asayîşa navdewletî kir bo standina rêuşûnên bilez ji bo “rawestandina armanckirina sivîlan û jêrxana bingehîn ya bajêrvaniyê, û rêdana bo çûn û hatina sivîlan bi azadî û bo hemû temenan di nav navçeyên tenah de û herwiha rêdan bo guhestina birîndar û nexweşan ber bi navçeyên aram de, bo wergirtina çareseriya pizîşkî”.
Îro roja çarşemê di civîna encûmena ewlekariyê ya derbarê Sûriyê de, berpirsê navdewletî Olbirayin tekez kir ku “rewşa mirovî li bajarokê Medaya hêjî xirab e, nemaze tenduristiya sivîlan, û hêjî danustandin berdewamin der barê derbaskirina tîmên hawarçûnê û pêdawîstiyên pizîşkî bo Medaya”.
Olbirayin encûmen agehdar kir ku Esed xemsarî berepêkan dide li hember dana muhletên derbaskirina tîmên pizîşkî û karmendên hawarçûnê li nav navçeyên li jêr desthilata hêzên rêjîmê.
Olbirayin got ku rêjîma Esed bitenê 10% ji binyatê 113 daxwaznameyên karwanên ajansên mirovî yên ji bona hawarçûna navçeyên herî pêwîstdar bi derbaskirina alîkariyan pesend kirine.
Hêjayê gotinê ye ku Cîgirê Serokê Hevbendiya Niştimanî Ya Hêzên Şoreş Û Rikberiya Sûriyê tekez kiribû ku “rêjîma Esed li ser qadê biryarên encûmena asayîşê binpê dike, bi asêkirina dorpêçkirina sivîlan û birçîkirina wan û qedexekirina derman û alîkariyên xwarinê li ser wan, di bin sîwana leşkerî û siyasî ya ji aliyê dijminkariya Rûsiya li ser welatê me, hevdem digel ku rêjîma Esed civaka navdewletî dixapîne û xemsariyê dike der bare piroseya siyasî û reva ji maseya danustandinan ku ewjî bi sîwanek siyasî ji Rûsiya ye “.
Merwa bi sûrbûn got ku îro Rûsiya bi destdirêjiya xwe ya serbazî li ser Sûriyê û kuştina sivîlan û vegirtina sîwana xwe ya siyasî ji rêjîmeke terorîst û nerewa re, ku mezintirîn astengiyan li pêş piroseya siyasî li Sûriyê datîne”, û amaje kir ku Rûsiya bi reftara xwe ya siyasî û serbazî nameyekê dişîne bo tevaya cîhanê ku; ew gelekî ne cuda ye ji rêjîma kuştin û terorê ya li Şamê “.
Merwa got ku “Esed hewla jikarxistina her çareseriyeke siyasî di sûriya de dike, bi rêka sûrbûna xwe li ser berdewamiya dorpêçkirina sivîlan û qedexekirina derman û xwarinê ji ser wan, hevdem digel nekarîneke diyar li ser neçarkirina Esed bo bicihkirina biryarên encûmena asayîşê yên tekest dikin li ser rakirina dorpêçkirinê û derbaskirina alîkariyan, ku hîç çareserî nîne ji bilî bikaranîn û bihêzkirina Artêşa Azad bi pêşkêşkirina mûşekên dij mertalan û çekên coreyî da bikaribe dorpêçkirinê bişkîne û jiyana sivîlan ji mirina ji birçîna biparêze”.
Merwa bi navê Hevbendiya Niştimanî û bi navê gelê Sûriyê daxwaz ji “dostên gelê Sûriyê kiribû ku bila ew şerim nekin ji pêşkêşkirina çekên coreyî û piştgiriya me ji bona çareserkirina arîşeya dorpêçkirinê ji kokde bikin, nemaze ku ew dibînin çawa Rûsiya bi hawara hevalbendê xwe hat, netenê bi pêşkêşkirina çekan, lê herwiha bi şandina çete û firokên xwe da li pêş çavê cîhanê xelkê me bombebaran bike”.
Jêder: Hevbendî+Anadol
