Mark Lokolk wekîlê emîndarê giştî yê Netewên Yekgirtî yê karûbarê mirovî îro çarşembê li pêşberî Encûmena Ewlekariya navdewletî got ku ‘’ Sûriya bûye mezintirîn qeyrana derbideriyê li cîhanê‘’piştî heft salan ji cenga ko Beşar Elesed dijî miletê Sûrî pêktîne.
Lokolk di gotina xwe de got: ‘’ di neh mehên borî de, rojane bêtir ji 6500 Sûrî ji malên xwe derbider bûne, û got ku li dora 3 milyon kes li herêmên dorpêçkirî yên ko gihaştina wan aloz e li tavaya Sûriyê dijîn, ji nav wan 420 hezar ji 10 herêmên dorpêçkirî ne. ‘’
Wekîlê emîndarê giştî yê Netewên Yekgirtî got 94% ji wan dorpêçkeriyan li Xûta rojhilat in, û 6% yên mayî li bajarokê Fo’a û Kefreya li parêzgeha Idlib û Yermûka Şamî ne.
Lokok hişyarî da derbaê tundiya pevçûnên li Xûta rojhilat û li Şamê, û destnîşan kir ko rêkxistina tendiristiya cîhanî got ko ji 14 heta 17 çêriya duyem ya nuha, 84 kes hatine kuştin û 659 kes jî birîndar bûne, û bi sedan zarok û jin di nav wan de hene.
Berpirsiyarê navnetewî nîgeraniya xwe anî ziman derbarê qeyrana xwarinê li Xûta rojhilat, û got ku tevlî bizavên dibin ji bo bigehên deverên wan sivîlan, tenê 100 hezar kes ji 400 hezarî alîkariyên xwarinê îsal gihiştiye wan.
Lokok tekez kir ko‘’ ne kêmî 30 hezar Sûrî di rewşeke aloz de li ser sînorê Urdun û Sûriyê astenkirî dijîn‘’ , di hefteyên dawî de dora 70 hezar kesî ji parîzgeha Idlib derbider bûne, û bêtir ji 27 hezaran ji parêzgehê ber bi herêmên corbicor ve di heman demê de çûne.
Ji aliyê din ve rêkxistina netewên yekgirtî ya zaroktiyê (UNICEF) hişyarî ji dorpêça ko li ser Xûta rojhilat li gundewarê Şamê ji çar salan ve hatiye ferizkirin da, ko wê rewşa mirovî gihandiye asteke metirsîdar bi taybetî ji hêla birçîbûna zarokan ve.
Girtina bûhêrka bi tenê di 3 çêriya yekem ya borî de bi lêdana asmanî û ya bej ji hêla hêzên Esed û hevalbenda wê Rûsya, hişt ko zû rewşa mirovî têk biçe, û ji ber derman û xwarin kêm e zarok dimirin.
Jêder: Nivîsgeha Ragihandinê ya Hevbendiya Niştimanî/Acans
