Berpirsiyarekî Netewên Yekbûyî – Dema ku wî wêneyê zarokê Sûrî Omran dît- tekez kir ko hemû dewletên Cîhanê dest ji Sûriyê berdan, Omranê ko ji bin wêraniyê hate rizgarkirin, piştî ko Firokên tê texmînkirin ko Rûsî ne, avahiya malbata wî amanc kirin.
Cîgirê Emîndarê giştî yê Netewên Yekbûyî Can Ilîson di hevpeyivînekê de di CNN de got: “hemû dewletên Cîhanê dest ji Sûriyê berdan.” Bêtir got “Wêne neynika derdê rastîn yê ko Sûriya û miletê wê tê re dibuhûrin e. Em ji evê mijarê re Kabûs dibêjin, lê ev ji Kabûs pîstir e, çimkî mirov ji Kabûs hişyar dibe, lê Sûriya li Kabûsên din hişyar dibe. ”
Û hêvî kir ko wêneyê zarokên mîna Omran û wêneyine din wek yê Alan, bandorê li desthilatan û her kesê xwedîbandor bike.
Endamê Desteya Siyasî ya Hevbendiya Niştimanî ya Hêzên Şoreşê û Rikberiya Sûriyê, Ûsama Tilco, di hevpeyivîneke taybet de got: Wêneyê Omranê zarok, yê ko ew ji bin wêraniyan derêxistin, bi encama êrîşên tên texmînkirin Rûsî ne, ji bo civaka navdewletî veciniqînek bû. Tekez kir ko giring e Encûmena Ewlekariyê pêrabûnên tund bike da sivîlan biparêze.
Tilco daxwaz ji Netewên Yekbûyî kir, ko tawankar Esed û Berpirsiyarên mirina 400 hezar kes û 13 milyon derbiderên Sûrî siza bike. Hem jî tekezî li ser daxwaza miletê Sûrî ya destxistina azadî û rûmetê kir. û hemû hewldanên biserxistina Serokê Sûriyê û simbolên rêjîma wî red kirin.
Hevbendî: Hevbendî+CNN
