Rêkxistina Bijîşkên bêsînor dorpêçkirina ko milîtanên Hizbullaha tirorist û Hêzên Esed li dor bajarê Meddaya li Gundewarê Şamê ji berî heft mehan ve pirotesto kir. di encama dorpêçkirinê, bêtir ji 35 kesan ji kêmbûna derman û tunebûna xwarinê jiyana xwe jidest dan.
Rêkxistinê doz kir ko gerek derman yekser bigihên piştî hêla dorpêçkirinê û bihêlin Nexweş ji wir derkevin cihê aram da çareser bibin.
Fermanberê operasiyonan ê Rêkxistina bijîşkên bêsînor Pirês Do Lafîn: diyardeya birçîkirinê weke istiratîciyeke leşkerî bikar tê û nuha piştî tundtirkirina dorpêçkirinê dermanên ko Rêkxistina me didan, ji aliyê bijîşkan ve zû xilas bûn, û hejmara nexweşên hewcedarî çareseriyê ne bêtir bû. her wiha bijîşk sîroman bikar tînin wekû jêderê şekir û hêzê , lewra ew jî dê zû bidawî bibin û derman biyekcarî namînin.
Do Lafîn got: “çareseriya ko maye ew e ko bihêlin alîkariyên xwarinê derbas bibin û rê li ber derxistina nexweşan vebe û derman jî derbas bibin.”
Diyar kir: “bijîşkên ko ji hêla me ve piştgirtî ne ragihandin ko çendîn mirin bi gulleyan û birînên ji encama bombeyên zemînî di nav ew kesên ko xwestine ji Meddaya derkevin hene.”
Rêkxistinê tirsa xwe li ser tîma bijîşkî diyar kir, ya ko di nîrekî pir aloz de kar dike, rêkxistinê tekez kir ko giring e piştgiriya evê tîmê bi pêdiviyên bijîşkî bibe.
Hêzên desthilatê (Ewlekarî û Artêş û Milîtanên biyanî û yên xwecihî) çekê dorpêçkirinê ji bo birçîkirinê wekû alavekî cengeke rêbazkirîn bikar anîne, li herêmên ko ketine destê opozisyona çedar û dorpêçkirina hin herêman bi salan berdewam kir.
Bajarê Meddaya yê ko dikeve Gundewarê Şamê Rêjîma Sûriyê ji dawiya sala 2013an ve dorpêç kiriye û bi destpêka meha tîrmeha 2015an dorpêçkirin zortir kir, çimkî Rêbendên leşkerî yên li dora bajêr (Rêbenda Gaziya Nebi’h Bereda, Rêbenda Elwezîr, Rêbenda Elmethena û Rêbenda Elşû’iba..) û hin navendên leşkerî wek Leşkergeha Telai’h û Leşkergeha Eltekiyê nehiştin xelk çi samanên xwarinê an yên bijîşkiyê an yên sûtemeniyê derbas bikin. Ji bil wisa jî hêzên Rêjîmê bi sedan bombeyên li dijî kesan li zeviyan çandine.
Jêder: Hevbendî
