Duhî roja pêncşemê, Wezîrê karubarê derve yê Birêtaniya Fîlip Hamond, got ku pêşniyara Beşar Esed ji bo dirustkirina hikûmeteke yekîtiya niştimanî ji kesayetiyên serbixwe û yên opozisyonê nabe çareserî û derdeseriya gelê Sûriyê bidawî nake.
Hamond di kongirekî rojnamevanî de li Beyrûtê got ku “Beşar Esed behsa dirustkirina hikûmeteke yekîtiya Niştimanî dike, ji kesayetiyekî yan ji du kesayetiyên opozisyonê yên ew destnîşan bike û nêzîk ji rêjîmê re, û wan di deverin ne giring di hikûmetê de deyne,.. ev yek têra çareseriyê nake”.
Hamond bal kişand ku Birêtiniya û digel girûpa navdewletî ya piştgiriya Sûriyê, bawerin bi wê yekê ku pêwîstiya çareseriya siyasî li Sûriyê hikûmeteke veguhêz heye, li şûna vê pêşniyarê.
Hamond cext kir ku ” pêwîst e hikûmetek bête dirustkirin bi nûnerayetiya hemû aliyan û pêkhateyan û ji hemû pêkhateyên Sûriyê re be, û pêwîst e ku ew hikûmet ne bi serkirdayetiya Esed be yan bi kêmahî di paşerojê de ne bi serkirdayetiya wê be”.
Ji aliyê xwe ve, Hevbendiya Niştimanî ya hêzên Şoreş û rikberiya Sûriyê, tekez kir ku dîmenên çareseriya siyasî ya herdemî li Sûriyê , bi dirustkirina desteyeke hikûmraniya veguhêz ya bi tevaya desthilatên cêbicêkirinê destpê dike, ne bitenê bi nav hikûmet be, herwiha seqayeke guncayî peyda bike bo dariştina destûreke nû û encamdana helbijartinên zagonsazî û yên serokayetiyê ku têde derfet bête dan bo pişkdariyeke rasteqîn bo xelkê Sûriyê ji bona avakirina paşeroja welatê xwe.
Ev yek hat di civîna duhî de, roja pêncşemê, ya desteya siyasî ya Hevbendiya Niştimanî digel endamên şanda Hevbendiyê li gel desteya bilind ya danustandinan û şanda danustandinkar re, di civînê de gera diwem ya danustandinan ya di nîva heyva adarê de bi çavdêriya NY hat nirxandin, herwiha pilanek hat danîn da bibe lêveger bo şanda Hevbendiyê di gerên bên yên danustandinan de.
Û endamên şanda danustandinkar ji aliyê xwe ve pabendbûna xwe bi piransîpên şoreşê û bi bernameya Hevbendiyê bo piroseya danustandinan dupat kirin, ya ku dawiyê bîne li serdema rêjîma Esed û hikumê desteka wî, û welat bibe ber bi fermanraniyeke demokratîk ya firealî ku têde hemû pêkhateyên netewî û yên olî bi heman mafan yeksan bin.
Jêder: Hevbendî + Wekalat
