Kombenda giştî ya Netewên Yekbûyî zêdegavî û derandina Esed ji mafên mirovan re bi piraniya 127 dengan protesto kir, beraber 13 dengên ji nav wan Çîn û Rûsya û Vênziwêla Kûba û Îran û Nîkaragwa û Zimbaboy red kirin û 48 Dewletan deng nedan ji nav wan çend Dewletên Erebî wek Cezayir, Libnan, Sûdan û Yemen. Ev proje Erebistana Si ’ûdî û Qeter ji bo dengdanê pêşkêş kiribûn.
Balyozê Siûdî Ebdullah Elmu´elimî got:”pinpêkirinên pir yên Rêjîma Esed ji mafê mirovan re û zêdegaviyên li ser rûmeta jin û zarok û xort û kalan li hemû deverên Sûriyê ewê hişt ko bêtir ji 200 hezar mirovî bêne kuştin, û bi milyonan hevwelatî li derve û hundirê Sûriyê derbider bibin, û bisedhezaran birçî kirine, çendîn kes ji hevwelatiyên Sûrî li deverên corbicor yên welat hatine girtin.”
Nûnera herdemî ya Qeterê balyoz Elya Ehmed Bin Seyf got:”Encama dengdanê ya ko Qeter bi serbilindî yek ji pêşkêşkeriên wê ye, dide xuyakirin ko çi qas bawerî li bal dewletên endam heye, bi aloziya rewşa mirovî û windabûna maf li Sûriyê, û bi taybetî tawankariyên ji hêla Rêjîma Esed ko li dijî miletê Sûriyê dibin.”
Ji aliyekî dî ve Kombenda Giştî biryarek ji bo derbirîna têkçûna mafê mirovan li Îranê pesend kir,bi erêkirina 86 Dewletan û 36 Dewletan li dijî wê deng dan û 61ê deng nedan.
Jêder: Elquds Elerebî
