Rêberê partiya pêşverû ya Sosyalist Welîd Canbulat , sipasiya Serokê Firensa Firenswa holand kir li ser helwesta welatê wî ya piştgiriya gelê Sûriyê, di hevdîtineka dostane de di miyanê serdana Canbulat bo seraya Elîzê, Holand ji Canbulat re tekez kir ku ew careke din diyalogê bi Esed re nake û hewalgeriya Firensa jî hîç alîkariyekê bi rêjîma Esed re nake.
Canbulat piştî hevdîtinê di navarasta seraya Elîzê de daxuyaniyek da û got: “Min sipasiya qehremaniya firensa û Serok Holand kir li ser piştgiriya gelê Sûriyê, dema Ez li bobelata Sûrî temaşe dikim, duwemîn cenga Cîhanî û pêre bajarê Orador tê bîra min yê li ser destê Naziyan hat wêrankirin, û îro bajar û gundên Sûriyê bi dehqat û bi sedcar mezintir ji Oradorê têne wêrankirin”.
Canbulat di axaftina xwe de got ku “parîsê derbarê lêqewmînên Sûriya û yên rojhilata navîn bi qehremanî helwestan distîne, û helwesta wê ji rêjîma Esed eşkere ye û xuya ye ku ew li kêleka milet radiweste”.
Hin jêdaran diyar kirin ku Holand ji Canbulat re got ku “wî berî du salan dixwest li bingehên rêjîma Esed bide, û diyar kir ku ew ne amadeye hevpeyvînê bi kesekî mîna Esed re bike ku bi berdewamî çekên kêmyawî bikar tîne, û nikare di desthilatê bidomîne bê pêkanîna komelkujiyan”.
Herwiha Holand ji mêhvanê xwe re diyar kir ku daxuyaniyên wezîrê derve yê Amerîka Con kêrî “firensa û herwiha kargeriya Amerika xist di fihêtkariyê de, ku hemû dibînin nabe carek din diyalog bi Esed re bête kirin”, û herwiha tirsa xwe nîşan da li hember Siyasetên Iranê di deverê de.
Canbulat derbarê kêşeya penaberên Sûrî yên li Libnanê balkişand ku alîkarîkirina penaberên Sûriyê “erkekî mirovayetî ye , û Firensa û hin dewletên din piştgiriya vê mijarê bi darayî dikin”, û diyar kir ku ” , em wek xelkên Libnanê ev erkê me ye li hember Cîranên xwe, yên nikarin vegerin welatê xwe, ku Esed her tişt wêran kiriye, lewra pêwîst e guhdan bi wan bête kirin, û em nikarin dilê xwe ji wan teng bikin û herwiha em nikarin kampan di hundur sînorê Sûriyê de bo wan ava bikin.
Ji aliyê xwe ve, û di demeke pêştir de ku endamên Hevbendiya Niştimanî matmayîna xwe diyar kirin li hember daxuyaniyên wezîrê derve yê Amerîka Con kêrî derbarê pêwestiya encamdana danustandinan bi Esed re, û herwiha li hember helwestên dudilî yên rêvebiriya Obama sebaretî rewşa Sûriyê.
Hêjaye gotinê ku Hevbendiyê pabendbûna xwe bi piransîbên Şoreşê û bi daxuyaniya Jinêvê wek bingeh bo çareseriya siyasî tekez kiriye, herwiha ku destkêşana Esed ji desthilatê kilîta her çareseriyeka Siyasî ye, lê rijdbûna Esed û hawargihandina wî bo hevalbendên xwe yên Iranî û mêlîşeyên mezhebperest , neqebûlkirina wî ji her çareseriyeka siyasî re diselmîne.
Jêder: Hevbendî+Elheyat
