Serokê Partiya Hêzên Libnanê, Semîr Ce’ce’h, cext kir ku hin kes ji Libnanê hene bi behaneya penaberan kula wan maye çêkirina tikiliyan ligel rijêma Beşar Esed.
Di mihrecanekê de ku ji aliyê Partiya Hêzên Libnanê hatibû lidarxistin li Sêdnî paytexta Ustoraliya, Ce’ce’h tekez kir ku taxa Eleşrefiyê û navçeya Zehlê û Qenat û Trablus û Seyda ji aliyê rijêma Esed hatibû bombebarankirin, herweha Beşîr Elcimeyil û Kemal Canbulat û Refîq Elherîrî li ser destê heman Rijêmê hatine kuştin.
Ce’ce’h careke din tekez kir ku carek din veger û têkiliyan bi rijêma Esed re çê nakin, û bal kişand ku bitenê wê penaber vegerin Sûriyê bê siyasetkirina vê mijarê, û ev mijar wê dûrî Esed be û wê bi têkliyên ligel dewletên karin bibin derwaz bo vegera wan re be.
Ce’ce’h got ku” rijêma Esed serokê Libnanê Mîşêl O’n sergon kir, û partiya hêzên Libnanê helweşand, û Semîr Ce’ce’h û hevalên wî girtin û hinên din tepeser kirin, û dixwestin hevjîna min bigirin “.
Ji aliyê xwe ve serokê opozisyonê li ” wîleyeta Folî” di mihrecanê de got ku “çarenivîsa Libnanê ji aliyê xelkê wê ve tê destnîşankirin û ne jî ji aliyê rijêma Esed yan Tehranê“.
Hêjayê gotinê ye ku di demkê pêş de ji berî çend rojan Ce’ceh di peyvekê de di ” qudasên ciwanên Marûnî” de li Dêra Xanima Libnanê li Sêdnî, peyvek pêşkêş kiribû û têde derbarê penaberan gotibû ku: “ji bo vegera penaberên Sûrî pêwîst e em li gel NY û dewletên pêwendîdar hemahengiyê bikin ji bo dîtina riyên baştir bo vegera wan, ne bi axafina ligel Beşar Esed“.
Jêder: Ofîsa Ragihandina Hevbendiya Niştimanî/Elheyat
