Civîna Hevkaraiya Islamî Ya Bala Dijminkariya Îran Û Hizbûllah Li Sûriyê Pirotesto Dike Û Piştgiriya Veguhêza Siyasî Dike
Civîna bala ya 13an ya Rêkxistina “Hevkariya Islamî” ya ko karên xwe roja înê li bajarê Istanbûlê bidawî kir, daxwaz ji Îraê kir ko têwirdanê di karûbarên navxweyî yên dewletên endam di Rêkxistinê de neke, hem jî kirdeyên Hizbullaha tirorist pirotesto kir ko têwirdanê di Sûriyê, Yemen, Kiwêt û Behrênê de dike.
Daxuyaniya dûmahiyê ya ko ji Civînê der çûye ko du rojan dewm kiriye bi silogana “Yekîtî û hevgirtin ji bo dadî û aştiyê” bi beşdarbûna nûnerên bêtir ji 50 dewletên Islamî ji nav wan jî 20 serok, têwirdana Îran di karûbarên dewletên herêmê de û dewletine endam ji nav wan jî Behrên, Yemen, Sûriya û Somal û berdewamiya wê ji tiroristiyê re pirotesto kir.
Her wiha daxuyaniya dûmahiyê ya civîna li Stanbolê çê bû, ji bo “berdewamiya tundûtûjiyê û rijandina xwînê li Sûriyê ” nerazîbûna xwe ji vê yekê da. Hem jî piştgiriya xwe ji bo çareseriya siyasî li gora daxuyaniya Cinêvê li Sûriyê bi çavdêriya Netewên Yekbûyî diyar kir. “ bi amanca cîbicîkirina operasiyona veguhêza siyasî ko miletê Sûrî ewê birêve bibe, da Sûriyeke nû li ser bingeha rêjîmeke piralî, dîmuqratî sivîl li ser pirinsîba wekheviyê li pêşberî yasayê û rêzgitina mafê mirovan ava bibe. ”
Daxuyaniyê xweşhaliya xwe bi danpêdana biryara Encûmena Ewlekariyê hejmara 2254 ya ji bo rewşa Sûriyê da û dît ko ew”piştgiriya nexşeya rê ya navdewletî ji bo operasiyona siyasî li Sûriyê dike û helwesteke cîhanî ji bo kuştina 300 hezar kes diyar dike.” Hem li ser giringiya cîbicîkirina evê biryarê û piştgiriya wê ji bo pêk bê.
Di heman dosyayê de Civînê hêvî kir ko danûstandinên Sûrî yên Cinêvê encamine hêja û erênî misoger bikin, ko kêşeya Sûriyê di zûtirîn dem de çareser bibe.
Jêder: Hevbendî+Enadol
