Desteya Yasanasên Sûriyê û Encûmenên Xwecihî li Bakurê Sûriyê daxwaz ji Netewên Yekgirtî kir ku parastina navdewletî ji zêdetir ji 4 Milyon sivîlî re li Idlibê dabîn bike, û hişyarî da ser encamdana komelkujî û koçkirina bi zorê ya ku rejîma Esed û Rûsiya û Îranê jê re plan dikin.
Wan Yasanasan sedema daxwazên xwe weha anîn ziman ” Heger dewlet nikaribe yan nexwaze parastinê ji welatiyên xwe re dabîn bike, ji Civaka Navdewletî tê xwestin ku bi vî erkî rabe di riya Neteweyên Yekgirtî re, û li gor herdû beşên şeşem û heştem ji belgenameya Neteweyên Yekgirtî, ji bo parastina welatiyan ji komelkujî û tawanên şer û tawanên li dijî mirovahiyê, di dema ku rejîma Beşar El-Esed ya terrorist welatiyên dewleta Sûriyê dikuje”.
Daxwaz ji Neteweyên Yekgirtî kirin”ku bi kareke tevahî û di demeke guncaw de rabe li gor belgenameya Neteweyên Yekgirtî”, û diyar kirin ku pransîpa nedestêwerdana di karûbarê dewletan de, dê di vê rewşê de bibe ji berjewendiya berpirsyaretiya navdewletî ya ji bo parastina mirovahî.
Daxuyaniya Desteyê tekezî li ser wê yekê kir” Divê mirovahî di ser serweriyê re be”, û destnîşan kir”Parastina sivîlan di dema şeran de kevirê bingehê ye di yasaya mirovahî ya navdewletî de û ya ku parastina tevahiya sivîlan bê ciywazî dike”
Daxuyaniyê daxwaza civîneke awarte û bilez ji Komeleya Giştî ya Neteweyên Yekgirtî kir ji bo aktîvkirina biryara 377∕1950 Yekîtiya ji bo Aşîtiyê. ji bo rawestandina cînosaydê û parastina sivîlan li Bakurê Sûriyê, ji bo dûrketina ji dengdana nerênî û dubarekirî ji aliyê Rûsiyê û Çînê ve, ya ku dibe sedema nelihevkirina her pênc dewletên hertimî derbarê tawanên ji aliyê rejîma Beşar Esed ve pêk hatine, ku gef in li ser aşîtî û ewlekariyê.
Li gor “Yasanasên Sûrî ” li cem Civaka Navdewletî şêweyekî yasayî û praktîkî heye û ew jî biryara” Yekîtî ji bo aşîtiyê” ye ji bo parastina zêdetir ji 4 Milyon sivîlên Sûrî ji jînosaydê, di dema ku Encûmena Ewlekariyê bi sedema nelihevkirina endamên hertimî nikaribe bi berpirsyaretiya xwe ya yekser di parastina aşîtî û ewlekariya navdewletî de rabe, di çi rewşa ku tê de gef li ser aştiyê hebe.
Daxuyaniyê hişyarî da ser ku her operasyoneke leşkerî li bakurê Sûriyê ya azadkirî dê bibe sedema rûdana pêleke din ya koçberiyê ber bi welatên Ewropayê ve û bi taybetî Tirkiyê, û dê Sûriyê ji xelkê wê vala bike û bi taybet ew kesên armanckirî ji bo koçkirina bi zorê bi armanca guhertina demografiyê.
Jêder: Ragihandina Hevbendiya Niştîmaniya Sûriyê.
