Desteya Zanyarên Misilman ya Libnanê bêzariya xwe ji vekirina balyozxaneya Libnanê li Sûriyê diyar kir, û dibîne ko ew ji derveyî rêbaza Erebî û Navdewletî ye, ya ko biryara birîna têkiliyan bi rêjîma Beşar Elesed re daye.
Desteyê di daxuyaniya xwe de got: “danîna balyozekî libal rêjîmeke tawankar li Sûriyê, hewildanek e ji bo danpêdana bi rêjîmekê rewatiya xwe ji dest daye, û pesendkirina tawankariyên wê yên derheqê miletê Sûrî û Libnanî de ye. ‘’
Deste vê pêngavê dibîne ko ew ” binpêkirin e ji serweriya Libnanê re, di riya sertewandina ji layingerên Esed ên Libnanî re, bi normalkirina peywendiyan bi rêjîma wî re “.
Desteyê tekez kir ko çareserkirina dosya vegera penaberên Sûrî bi aramî bo malên xwe, wê ligel “aliyên navdewletî yên cihê baweriyê be, û wê ne bi rêjîmê re be ya ko zordarî li xelkê kiriye û ew derbider kirine û xak û asmanê wan firotiye Rûs û Îraniyan û milîtanên wan”.
Jêder: Nivîsgeha Ragihandinê ya Hevbendiya Niştimanî/Acans
